YESAYA 47:1 - KITTA' MATANGKASA'

¹ Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YESAYA 47:1 ပူးပေါင်းရင်းမြစ်များ

AYUB 2:13

Tuju allo tuju bangngi ke'nanga ammempo ri buttaya ri sa'rinna Ayub, tamakkana-kanaya, lanri antekamma battala'na pa'risi'na Ayub.

AYUB 2:8

Nampa ammempomo ri ampi'na pa'loroanga, siagang angngallei reppe' kaca untu' napake appagaru ri kalenna.

PAMMUJI 137:8

He Babel, ikau laniancurukko! Mate'nei tau ambalasakai ri kau kaja'dallang nugaukanga mae ri kambe.

PAMMUJI 18:27

Ri tau matangkasaka Kipa'nyatai kalenTa matangkasa', mingka Kimusui tau ja'dalaka.

PAMMUJI 89:44

Ba'lalo Kipa'jari tena matu-matunna sanjatana, tena Kitulungi lalang pa'bundukang.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

YESAYA 26:5

Napakatunai Batara tau tampoa; Naancurukui kota pattahanganna ke'nanga, na Napasilappara' siagang buttaya.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 37:22

Nakana Batara, “Lanakakkaliko siagang lanacau-cauko kota Yerusalem, ikau Sanherib!

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 46:11

He pandudu'na Mesir, a'lampako mange ri Gilead a'boya pa'balle! Mingka manna nakamma, tena nulanggappa pa'balle akkullea ampamolleko.

YEREMIA 48:18

He pandudu'na Dibon, naung mako battu ri tampa' kalompoannu; ammempo mako ri buttaya, irate ri limbu'buka. Lanri eroka ampanraki Moab, anne pa'rasangannu nia'mi battu, siagang lanaancuruki sikontu pattahangannu.

YEREMIA 50:1

Iaminne pasanNa Batara mae ri nakke ri sesena Babel siagang pandudu'na,

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 51:1

Nakana Batara, “LappabattuA' anging pammanraki, ammirika mae ri Babel siagang mae ri pandudu'na.

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

YEREMIA 51:51

Nukana, ‘Nihinai siagang nipakasiriki ikambe; tappela'mi siri'na ikambe lanri bansa maraenga ampammantangngi kamara'-kamara' tangkasaka ri Balla'Na Batara.’

PIRAUNG 2:10

Sikontu tutoa-toana kotaya ammempo mami ri butta tamakkana-kana; nakiori limbu'bu' ulunna ke'nanga, nammake kaeng karung tanra susana. Manna sikamma tuloloa su'ju'mi naung sa'genna buttaya.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

PIRAUNG 4:5

Ia ke'nanga angkasiaki kanre-kanre nyamanga, siagang sannanga ri katallassanna, anne kamma akkadangkang mami a'boya kanre ri pattambunganna loroa, na mate cipuru' ri agang-aganga.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

YEHEZKIEL 28:17

Tanja'nu gammaraka angngerangko mae ri tampoa siagang anjo masahoro'nu a'jari saba' nuppanggaukang tolo. Lanri kammana anjo, Kupatappasakko naung ri buttaya siagang Kupa'jariko pappakainga' mae ri karaeng-karaeng maraenga.’ ”

YUNUS 3:6

Ri wattunna nalangngere' karaeng Niniwe anjo kabaraka, karo-karomi naung battu ri empoang kakaraenganna. Nala'gasa'mi juba kakaraenganna siagang ammakemi kaeng karung, nampa ammempo irate ri aua.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’