YESAYA 45:2 - KITTA' MATANGKASA'

² “INakke lampasadiangko oloang; laKulapparri monconga siagang buluka, sikamma pakke'bu' tambagaya laKureppeki, na sikamma panjoli bassina laKutepoki.

YESAYA 45:2 ပူးပေါင်းရင်းမြစ်များ

PAMMUJI 107:16

Saba' narumbangi pakke'bu'-pakke'bu' tambagaya, siagang nalicaki sikamma panjoli bassia.

YESAYA 13:2

Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.

YESAYA 24:12

Ancuru' taba sikalimi kotaya, sikamma pakke'bu' lompona runtung ngasemmi tassimbung-simbung.

YESAYA 40:4

Tunggala' ka'bunga musti nitambungi, monconga siagang buluka nilappari. Butta a'bontoa la'jari lapparaki, na ia a'buttu-buttua lanilaccuki.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 45:13

INakke ampagioki Karaeng Kores untu' anggaukangi erokKu siagang ampaentengi kaadelanga. INakke allappari sikontu agang naoloa. Lanabangungi ammotere' kotaKu Yerusalem siagang lanalappassangi ummakKu nitahanga, na tanisarea doe' pammuccu' yareka pa'bayara'.” Batara Kaminang Makoasaya anne le'ba' angkana.

YESAYA 48:15

INakkemi ampaui siagang angkioki, anrurungangi, sa'genna a'jari apa nagaukanga.

YEREMIA 28:13

a'lampa mange ri Hananya untu' akkana kamma anne, “Nakana Batara, akkulle memangko antepoki lembarang kayua, mingka laNasambei lembarang bassi.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 8:4

Kuciniki anjo gimbala' lakia angngula' kalau', wara' siagang timboro'. Tena manna sikayu olo'-olo' akkulle attahang andallekangi yareka ta'lappasa' battu ri kakoasanna. Appaero'-eroki appanggaukang siagang sanna' tampona.

NAHUM 3:13

Sikamma tantaranu lammai sangkamma baine, siagang pa'rasangannu tena sikali pakkullena andallekangi musua. Pepeka lanapammutungi sikamma balo' panjolina pakke'bu' lomponu.

LUKAS 3:5

Lanitambungi sikamma ka'bunga lanilappari sikamma buluka siagang bontoa Parallui nilambusi oloang a'lekko-lekkoa, na lanilappari oloang akkali'-kali'bonga.

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,