YESAYA 42:2 - KITTA' MATANGKASA'

² Tena nalammarrang yareka akkio' lompo, tena nalakalangngerang sa'ranna ri aganga.

YESAYA 42:2 ပူးပေါင်းရင်းမြစ်များ

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 42:3

Bulo ta'dundua talanatepokai, kanjoli ca'dia rinrana talanabunoai. Majarreki lanapa'nyata katojenganga,

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

LUKAS 17:20

Nia' siapa are tu Farisi akkuta'nang ri Isa angkana, ringngapanna Nalabattu Allata'ala ammarenta. Appialimi Isa Nakana, “Punna Napakkaramulai PamarentahanNa Allata'ala, tena Napakaramulai siagang pammatei akkullea nacini' mata,

2 TIMOTIUS 2:24

Inai-nai anjama-jama untu' Batara tasiratangai a'besere'; musti sombereki mae ri yangasenna taua, siagang akkullei naajara' taua siagang baji' na sa'bara'.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.