YESAYA 41:8 - KITTA' MATANGKASA'

⁸ Mingka ikau, he Israel, atangKu, umma' Kupilea, ikau turunganna Abraham, sahabakKu.

YESAYA 41:8 ပူးပေါင်းရင်းမြစ်များ

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 136:21

Pa'rasanganna ke'nanga Napassareangi mae ri umma'Na; pangngamaseanNa sa'genna satunggu-tungguna;

PAMMUJI 136:22

a'jari Napatang Israel atanNa; pangngamaseanNa sa'genna satunggu-tungguna;

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 29:22

Lanri kammana anjo, Batara, iamintu Allata'alana Israel le'baka ampakabebasaki Abraham, kamma-kamma anne Nakana, “Ikau bansaKu, tenamo nalanihinako pole siagang tenamo nalapi'lasa' rupannu lanri siri'-siri'.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 42:19

Inai la'bi buta na atangKu Israel? Inai la'bi tongolo' na tunisuroKu?

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 43:10

He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.

YESAYA 43:5

Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

YESAYA 44:21

Nakana Batara, “U'rangi ngasengi sikammaya anne, he Israel, saba' ikaumi atangKu. INakke ampa'jariko, na ikau atangKu, Israel, tena nalaKukaluppaiko!

YESAYA 45:4

Kukiokko siagang Kusareko areng pa'gallara', manna natena nanuassengA'. Kusareko tugasa' untu' antulungi atangKu Israel, nasaba' anjo ke'nanga bansa nipileKu.

YESAYA 48:12

Nakana Batara, “Pilangngeri he Israel, umma' Kukioka, iNakke tuli Allata'alanu. INakkemi uru-urua, siagang iNakke tommi kala'busanga.

YESAYA 49:3

Nakana ri nakke, “Ikaumi atangKu; lanipakala'birikKa' lanri ikau.”

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

KAIMANGNGANG 25:42

Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

GALATIA 3:19

Jari punna kamma, untu' apa padeng nanipassareang anjo hukkung agamaya? Pialinna iamintu angkanaya, anjo hukkunga nipappitambangi sollanna nipa'nassa gau' dosana rupataua. Wattu tappakena anjo hukkung agamaya sa'gennaji kabattuanna sitau sossoranna Abraham le'baka nipau lalang ri janjinNa Allata'ala mae ri Abraham. Anjo hukkung agamaya, malaeka'-malaeka' ampabattui tete ri rupataua.

PAOLE 10:15

Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

PAOLE 14:2

Ikaumi Napatanga Karaeng Allata'alanu; battu ri sikontu bansaya ri lino, ikaumi Napile Allata'ala untu' a'jari umma'Na.”

YAKOBUS 2:23

Anjo situru'mi nakanaya lalang ri Kittaka, “Tappaki Abraham mae ri Allata'ala, siagang lanri iaminjo tappa'na nanitarimamo ri Allata'ala salaku tau anggaukangai ero'Na Allata'ala.” Iaminjo saba'na nanigallara'mo Abraham, “Agang baji'Na Allata'ala.”