YESAYA 41:22 - KITTA' MATANGKASA'

²² Battu mako mae, siagang tappu riolomi apa lakajarianga, sollanna naasseng ikambe antekamma sallang kale'bakkanna. Paumi sikamma kajariang-kajariang rioloa, pakasingara'mi battuanna sollanna naparhatikangi ikambe.

YESAYA 41:22 ပူးပေါင်းရင်းမြစ်များ

YESAYA 41:26

Inai ri kau akkulle antappu rioloi sa'genna akkulle ikambe ampattojengi? Mingka tena ri kau akkulle ampaui, tena tau allangngerekko le'ba' a'bicara.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YESAYA 44:7

Inaika sangkamma iNakke? Suromi mangaku! Lappassammi napau siagang napa'butti mae ri Nakke! Inai le'ba' antappu rioloi apa labattua battu ri uru-urua sa'genna kala'busang jammang?

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YESAYA 48:14

A'rappungang ngaseng mako siagang pilangngeri! Ri sikamma rewata-rewataya tena le'ba' antappu rioloi angkanaya lanibunduki Babel ri tunipileKu; lanagaukangi apa Kukaerokia.

YESAYA 48:3

Nakana Batara, “Pilangngeri, he Israel! Apa kajarianga riolo, sallomi le'ba'na Kupau riolo; apa Kupaua, ti'ring Kugaukangi siagang Kupa'nyatai.

YOHANES 13:19

Kupabattumi anne passalaka ri kau ngaseng, ilalang tenanapa nakajariang. Sollanna punna kajariammo sallang, latappa' ngaseng mako angkanaya iNakke minne nikanaya INAKKE NIA'.

YOHANES 16:14

LaNapakala'biriki KalengKu, nasaba' anjo apa Napabattua ri kau, battu ri Nakkei le'ba' Natarima.