YESAYA 41:20 - KITTA' MATANGKASA'

²⁰ Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

YESAYA 41:20 ပူးပေါင်းရင်းမြစ်များ

AYUB 12:9

Inai ri yangasenna anjo ke'nanga tangngassengai, angkana mappa'jarina ke'nanga iamintu KalenNa Allata'ala?

PAMMUJI 109:27

Na naasseng musungku angkana anjo panggaukanTa, angkana iKatte, Batara, anggaukangi.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

YESAYA 28:29

Anjo kacara'dekanna, iamintu kacara'dekang nagappa battu ri Batara Kaminang Makoasaya. Sikontu rancanaNa Batara pore ngasengi siagang tuli a'jari ngasengi.

YESAYA 29:24

Tau toloa lappilajaraki ammahang siagang tau tuli a'moro-moroa lasannangi niajara'.”

YESAYA 40:5

Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

YESAYA 41:4

Inaika anggaukang ngasengi anjo sikammaya? Inaika ampattantui jappana riwayaka? INakke, Batara, iNakkemi uru-uru, siagang tuli niaka sa'genna satunggu-tungguna.

YESAYA 43:15

INakkemi Batara, Allata'alanu matangkasaka, Karaennu, ampa'jariako, he Israel!”

YESAYA 43:21

Iami ke'nanga bansa Kupareka untu' KalengKu, sollanna akkulle nakabarrang pammujia untu' iNakke.”

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

2 TESALONIKA 1:10

iamintu punna battu sallang Batara untu' lanipakalompo ri umma'Na siagang untu' lanikangalikang ri sikontu tau tappaka. Ikau pole, lania' ngaseng tongko ri alla'na anjo umma'Na Allata'ala, lanri tappa' ngaseng mako mae ri anjo biritta napabattua ikambe mae ri kau ngaseng.