YESAYA 41:13 - KITTA' MATANGKASA'

¹³ Saba' iNakke Batara, Allata'alanu, anta'galaki lima kanannu; kukana, ‘Teako mallakki, iNakke lantulungko.’ ”

YESAYA 41:13 ပူးပေါင်းရင်းမြစ်များ

PAMMUJI 109:31

Saba' Ia angngallei siagang ampasalamaki tu kasi-asia battu ri tau anghukkung mateai ke'nanga.

PAMMUJI 118:7

Narurunganga' Batara untu' antulunga', lakuciniki musungku nibeta.

PAMMUJI 63:8

saba' iKattemi le'ba' antulunga'; akkelong rannua' lalang la'lanna ka'nyitTa.

PAMMUJI 73:23

Mingka tuli niaka' ri ampitTa, Kita'galaki lima kanangku.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 51:18

Battu ri pandudu'nu tena anrurungangko, battu ri tummantannu tena angnguluko.

YEREMIA 30:10

UmmakKu Israel, teako mallakki! AtangKu Yakub, teako annekkereki! Ikau siagang jari-jarinu laKupasalamakko battu ri pa'rasangang bella, tampa'nu nipela'. Lammoterekko siagang lammantangko ri pa'rasangannu siagang amang. Lasannangko lalang tallasa'nu; tena parallu nukamallakkang.

YEREMIA 46:27

“UmmakKu, Israel, teako mallakki! AtangKu Yakub, teako annekkereki! Ikau siagang jari-jarinu laKupasalamakko battu ri pa'rasangang bella, ri tampa'nu nitahang. Lammoterekko nummantang ri pa'rasangannu siagang amang. Lattallasakko siagang sannang; tena parallu nukamallakkang.

HAGAI 2:5

Ri wattunnu assulu' battu ri Mesir, le'ba'Ma' a'janji tuli lanjagaiko. Na kamma-kamma anne pole tuli Kujagainu ngaseng. Jari tena nuparallu lussa' ri pa'mai'nu.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.