YESAYA 41:10 - KITTA' MATANGKASA'

¹⁰ Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:10 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 31:5

Nampa nakanamo Yakub ri ke'nanga, “Kuciniki bapa'nu tena nabaji' sangkamma biasa mae ri nakke, mingka Allata'ala nipakala'birika ri manggeku anjagaia'.

PA'JARIANG 49:24

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel.

2 SAMUEL 22:19

Nabundukia' ri wattungku natuju bala mingka Batara a'jari pannulungku.

1 PATTOTTORANG 12:18

Kalase'renna ke'nanga, iamintu Amasai, a'jaria sallang pamimping ri anjo nikanaya “Tallumpuloa Perwira,” nikoasai ri RohNa Allata'ala, angkana, “O Daud, ana'na Isai! Ikambe anne erokki' ambantuko! Poro ikau siagang sikamma ke'nanga ambantuako nisarei pammetang. Niaki Allata'ala angngagangangko!” Jari nitarimami ke'nanga ri Daud siagang niangka'mi ke'nanga a'jari perwira lalang ri tantarana.

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

PAMMUJI 144:11

Kilappassanga' battu ri pa'danna tau pallaka; Kipasalamaka' battu ri kakoasanNa bansa maraenga nangaia a'balle-balle siagang annipu, siagang appare' sumpa nipare'-pare'.

PAMMUJI 144:8

nangaia a'balle-balle siagang annipu siagang appare' sumpa nipare'-pare'.

PAMMUJI 145:14

Natulungi Batara tau lalanga ri kasusaanga, Napaentengi tau ta'dundua.

PAMMUJI 147:12

Pujimi Batara, he Yerusalem! Pujimi Allata'alanu, he Sion!

PAMMUJI 18:36

O, Batara, Kila'langia' siagang Kipasalamaka', Kipakajarreka' siagang koasaTa; a'jari porema' lanri gautTa.

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

PAMMUJI 29:11

Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

PAMMUJI 37:17

Saba' lanitepoki koasana tu ja'dalaka ri Batara, mingka tu bajika laNajagai.

PAMMUJI 37:24

Punna tu'guru' tena nalasanna' bokka'na nasaba' nita'galaki limanna ri Batara.

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 63:8

saba' iKattemi le'ba' antulunga'; akkelong rannua' lalang la'lanna ka'nyitTa.

PAMMUJI 65:5

Mate'nei tau Kipilea, siagang tau Kikioka untu' ammantang ri BallatTa. Lanipassukkuki ikambe ri sikamma apa baji' ri BallatTa, ri pammantangngang matangkasatTa.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YESAYA 37:6

nasuromi Na'bi Yesaya sikamma anjo tunisuroa ampabattui pialinna angkanaya, “Nakana Batara, teaki' mallaki karaeng, allangngereki kana-kana napabattua anjo ata-atanna karaeng Asyur, angkanaya takkulleaki' Nipata'lappasa' ri Batara.

YESAYA 43:5

Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

YESAYA 50:9

Tojeng, Batara Kaminang Tinggia angngalleanga', inai barani ampa'nyatai angkana sala'? Sikontu tau antudua' lalanynya' ngasengi rapang kaeng toa nikanrea ri kacoa'.

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

YESAYA 60:19

Tena nuparallu nisingari ri allo ri wattu singaraka, siagang tena nuparallu nisingari ri bulang punna bangngi. Saba' iNakke Batara, la'jari singara' mannannungang mae ri kau, Kusingariko siagang kala'birangKu.

DANIEL 10:12

Nampa nakana ri nakke, “Daniel, teako mallakki. Nalangngere'mi Allata'ala pappala' doannu appakkaramula ri nutappukinna untu' ampakatunai kalennu sollannu a'jari cara'de'. Battuma' anne a'jari pappiali mae ri pappala' doannu.

DANIEL 6:16

Nampa ammotere'mi pole anjo taua ngaseng andallekang ri karaenga, siagang angkana, “O karaengku, parallui kiu'rangi angkanaya situru' undang-undang Media siagang Persia, parenta napasuluka karaenga takkulleai nipinra-pinra.”

HOSEA 1:9

Nakana Batara ri nakke, “Arengi anjo ana'nu ‘Teai UmmakKu’, nasaba' tu Israel teai ummakKu, siagang iNakke teaiA' Allata'alana ke'nanga.”

HAGAI 1:13

Nampa napabattu Hagai mae ri ra'yaka pasanNa Batara angkanaya a'janji Batara ero' anjagai ke'nanga.

HAGAI 2:5

Ri wattunnu assulu' battu ri Mesir, le'ba'Ma' a'janji tuli lanjagaiko. Na kamma-kamma anne pole tuli Kujagainu ngaseng. Jari tena nuparallu lussa' ri pa'mai'nu.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

ZAKHARIA 10:6

“LaKupa'jari kassaki pandudu'na Yehuda, laKupasalamaki umma' Israel. Kuerangi ke'nanga ammotere' mange ri pa'rasanganna lanri Kusayanna ke'nanga. LaKupareki ke'nanga sangkamma bansa tenaya nale'ba' Kusassali. INakkemi Karaeng Allata'alana ke'nanga, sikontu pappala' doanna laKuparhatikangi ammotere'.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:30

Jari nakanamo pole anjo malaekaka, “Teako mallakki Maria, nasaba' ikau tu nipangngellaiko ri pa'mai'Na Allata'ala.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

HAKING-HAKING 6:16

Nakanamo Batara, “Tantu akkullenu, nasaba' iNakke lambantuko. Akkullei nuancuru' tu Midian siagang gampang, sanrapang angkanaya sitauji nudallekang.”