YESAYA 40:2 - KITTA' MATANGKASA'

² Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 40:2 ပူးပေါင်းရင်းမြစ်များ

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,

PAMMUJI 32:1

Pammujina Daud. Kelong pangngajarang. Mate'nei taua ia nipammopporanga dosana, nikaluppaia kasalanna.

PAMMUJI 85:3

Le'ba'mi Kipammopporang dosa-dosana ummatTa; Kikaluppai sikontu kasalanna.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 49:25

Appiali Batara angkana, “Iaminjo lakajariang. Tunitahanna tubarania lanirampasaki ammotere'. Barang narampasa'na tau pallaka lanirampasaki ammotere'. Saba' iNakke KalengKu langngewai musunnu; laKupasalamaki sikamma ana'-ana'nu.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YESAYA 53:5

Mingka nilokoki lanri dosa-dosata ngaseng, nisessai passabakkang kaja'dallanta. Ia nihukkung sollanna ikatte nipasalama', lanri bokka' bate cambo' nakasiaka nakinipammolle.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 6:7

Naseroi muncengku siagang anjo bara pepeka na nakana, “Anne baraya le'ba'mi nasero muncennu. Kamma-kamma anne le'ba'mi nilu'lu' kasalannu siagang Napammopporang Batara dosanu.”

YESAYA 61:7

Lanri le'ba' mako nipakasiri' a'lappi tallu, siagang ra'masaka kammayatompa tunaya a'jari bageannu, na nunggappamo warisi' a'lappi rua ri pa'rasangannu, na nupatang karannuang mannannunganga.

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

YEREMIA 51:10

Nakana umma'Na Batara, “Napappicinikammi Batara angkana niakki' ri katojenganga. Umba ki'lampa mange ri Yerusalem nampa nicarita anjoreng apa le'baka Nagaukang Karaeng Allata'alata.”

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

YEHEZKIEL 16:42

Le'bappi anjo sikammaya nampa naung larroKu, siagang la'jari sannamMa' ammotere'. Tenamo Kulalarro pole siagang akkimburu.

DANIEL 11:35

Sipa'gang battu ri anjo pamimping-pamimping cara'deka lanibunoi, mingka anjo kammaya a'jari paccobai mae ri umma'Na Allata'ala sollanna a'jari matangkasa' ke'nanga. Anjo kammaya lakajariangi sa'genna narapi' kala'busang jammanga, iamintu jammang le'baka Napattantu Allata'ala.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 12:9

Appialimi angkana, “A'lampamako kamma-kamma anne Daniel, nasaba' anne kana-kanaya musti nicokkoi siagang nirahasiakangi sa'genna kala'busang jammanga.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

HOSEA 2:14

Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

HOSEA 2:16

Nampa iNakke lanakio' bura'nenna, teaimi Rewata Baalka.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.

ZAKHARIA 1:13

Appialimi Batara mae ri anjo malaekaka siagang kana-kana manynyaleori;

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

ZAKHARIA 9:12

Ammotere' mako he sikamma tunipelaka, anne kamma nia'mo panrannuannu. Ammoterekko mange ri tampa' pa'la'langannu, iNakke tuli lambarakkaki ngasengko. Pilangngeri: LaKubarakkakiko a'lappi rua lanri sikontu kasessang le'baka nukasia'.

LAMPA-LAMPANA 1:7

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.