YESAYA 40:18 - KITTA' MATANGKASA'

¹⁸ Jari inai lanupasinrapangangi Allata'ala? Inai nukana Naagang sangkamma?

YESAYA 40:18 ပူးပေါင်းရင်းမြစ်များ

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

PAMMUJI 113:5

Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

KALAPPASSANG 8:10

Appialimi anjo karaenga angkana, “Pappala' doangamma' ammuko.” Nakanamo Musa, “Lakugaukangi apa kipalaka karaeng. Na lakiassemmo angkanaya tena ruanna Allata'ala sangkammaya Batara, Allata'alana ikambe.

KALAPPASSANG 9:14

Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 46:5

Inai lanupasinrapangangA'? Niakka akkulle nipasangkammangA'?

YESAYA 46:9

U'rangi sikamma apa kajarianga ri jammang riolo; akuimi angkana iNakke Allata'ala, tena pantaranganna, iNakke Allata'ala, siagang tena sangkammangKu.

YEREMIA 10:1

Umma' Israel, pilangngeri anne pasanNa Batara mae ri kau.

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

LAMPA-LAMPANA 17:29

Jari, lanri ana'-ana'Naki' Allata'ala, takkulleaki' ampasangkammai Allata'ala siagang patung bulaeng nipareka, yareka pera', yareka batu nipareka situru' kacara'dekanna rupataua.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.