YESAYA 40:12 - KITTA' MATANGKASA'

¹² Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

YESAYA 40:12 ပူးပေါင်းရင်းမြစ်များ

AYUB 28:25

Ri wattunna Nasare kagassingang anginga, siagang Napattantu pa'baeng-baenna tamparanga;

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

YESAYA 48:13

LimangKu ampadongkoki dasara'na buttaya siagang ampaka'rangi passimbanga. Punna Kukioki arenna, lintaki battu ke'nanga.

YEREMIA 31:37

Ebara' angkana nia' se're wattu nakkulle niukkuru' langika, siagang akkulle nisalidiki dapara'na rawa buttaya, iaminjo wattua nalaKusorongboko Israel lanri sikontu panggaukang ja'dala'na ke'nanga. INakke, Batara, anne akkana.”

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.