YESAYA 40:10 - KITTA' MATANGKASA'

¹⁰ Ciniki, battui Karaeng Allata'ala siagang koasaNa ero' anggaukangi kaporeanNa. Nirurungang ri sikamma tau le'baka Nalappassang.

YESAYA 40:10 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PAMMUJI 110:6

LaNahukkungi bansa-bansaya, sa'genna tassiara' maya'na ngaseng. Lapapossoki sikamma tukoasaya ri sikontu linoa.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

YESAYA 28:2

Nia' se're tau kassa' siagang barani laNasuro battu Batara. Kabattuanna nirurungangi ri bosi es siagang anging kancang, rapang bosi lompo siagang a'ba ammanyukkanga. Nakaterassangi na napatappasa' ke'nanga naung ri buttaya.

YESAYA 33:2

O, Batara, Kikamaseang laloi ikambe. IKattemi panrannuanna ikambe. Kijagai ikambe ri tunggala' alloa, siagang pasalamaki ikambe ri wattu kasukkaranga.

YESAYA 49:4

Mingka kukana, “Tena matu-matunna posoku; la'busu' sia-siaji kagassingangku!” Mingka tappaka' angkana Napattojengi Batara hakku, Nabalasakka' Allata'ala situru' panggaukangku.

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

YESAYA 59:15

Tenamo tau lambusu', siagang inai ampakabellai kalenna battu ri kaja'dallanga, ia kalenna lanipanraki ri kaja'dallang.” Nacini' ngasemmi Batara, siagang tenamo Nasannang pa'mai'Na lanri tenamo kaadelang.

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

YESAYA 59:18

Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YESAYA 63:5

A'boyA' tau, mingka tena akkulle antulungA', lannasakKa' lanri tenana akkulle ambantuA'. Nampa kagassingang KalengKu antulungA', kalarroangKu ambantuA'.

YEREMIA 31:16

Pammari karru'nu, lu'luki je'ne matannu! Tena nalasia-sia posonu mae ri ana'-ana'nu. Lania' passawallang mae ri kau, ana'-ana'nu ammotereki battu ri pa'rasanganna musua.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

YOHANES 12:13

Angngallemi leko'-leko' kayu ke'nanga nampa mange anruppai Isa. A'rannu-rannumi ke'nanga angkana, “Pujimi Allata'ala! Nibarakkakimi Ia niaka battu lalang arenNa Batara. Nibarakkakimi KaraenNa Israelka!”

YOHANES 12:15

“Teako mallakki, tulolonna Sion! Ciniki Karaennu battu, a'dongko' ri sikayu keledai!”

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.