YESAYA 40:1 - KITTA' MATANGKASA'

¹ Kammai anne kananNa Allata'alanu, “Saleori, saleorimi bansaKu!

YESAYA 40:1 ပူးပေါင်းရင်းမြစ်များ

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

PAMMUJI 85:3

Le'ba'mi Kipammopporang dosa-dosana ummatTa; Kikaluppai sikontu kasalanna.

PAMMUJI 85:8

Kipa'nyatai angkana tuli mangngamaseangKi', o Batara, Kisare laloi kasalamakkang ikambe.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 41:27

INakke, Batara, uru angkabarrangi mae ri Sion; iNakke akkiring tau angngerang kabara' baji' mae ri Yerusalem.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

YEHEZKIEL 16:42

Le'bappi anjo sikammaya nampa naung larroKu, siagang la'jari sannamMa' ammotere'. Tenamo Kulalarro pole siagang akkimburu.

ZAKHARIA 1:13

Appialimi Batara mae ri anjo malaekaka siagang kana-kana manynyaleori;

ZAKHARIA 1:17

Nasuro tonga' anjo malaekaka ampabattu tongi anne pasang angkanaya, “A'janji Batara Kaminang Koasaya angkanaya la'jari coppongi kota-kotaNa siagang angkanaya sikalipi pole laNatulung Yerusalem na Naani angkanaya Ia ampatangi.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

2 KORINTUS 1:4

Iami ansaleori pa'mai'na ikambe ilalang sikamma kasukkaranna ikambe. Sollanna lanri panjarrekkinNa, nakkulle tommo ikambe ansaleori tongi sikontu tau natujua susa.

1 TESALONIKA 4:18

Lanri kammana anjo, paralluko massing sipakajarre' ri tappa'nu lalang ri anne kana-kana kammaya.