YESAYA 4:5 - KITTA' MATANGKASA'

⁵ Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 4:5 ပူးပေါင်းရင်းမြစ်များ

NEHEMIA 9:12

Kipimping ke'nanga siagang allung ri wattu singara' alloa. Ri wattunna bangngi Kisingari oloanna siagang benteng pepe'.

PAMMUJI 105:39

Naka'rangi Batara rammanga untu' alla'langi umma'Na, siagang pepe' untu' ansingari ke'nanga ri wattu bangngi.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAMMUJI 78:14

Naului ke'nanga siagang rammang ri wattu allo nampa nasare singara' pepe' sila'busu' bangngi.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 24:16

Naummi caya kahaderanNa Batara irate ri anjo monconga na nacini' tu Israel rapang pepe' a'rinra rate ri coppo'na monconga. Annang allo sallona rammanga antongkoki anjo monconga; na ri allo makatujua Nakio'mi Batara anjo Musa battu ri anjo rammanga.

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

KALAPPASSANG 26:7

Untu' pattongko'na anjo Kemaya apparekko sampulo asse're polong kaeng battu ri bulu bembe.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 60:2

Nikalimbuki buttaya ri sassang, nitongkoki bansa-bansaya ri le'leng pakka'; mingka ammumbai singara'Na Batara irateannu, caya kahaderanNa a'nyatai irateannu.

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”