YESAYA 39:8 - KITTA' MATANGKASA'

⁸ Appialimi Karaeng Hizkia angkana, “Baji' tongi anjo pasanNa Batara nupabattua mae ri nakke.” Appiali kammai anjo lanri napikkiriki angkana: “Assala' tuli amangi siagang salewangangi kakaraengangku lalang tallasakku.”

YESAYA 39:8 ပူးပေါင်းရင်းမြစ်များ

2 PATTOTTORANG 32:26

Mingka kale'bakkanna napakatunami kalenna Hizkia siagang tu Yerusalem; jari lalang attallasa'na ija Hizkia, tenapa nanipabattui anjo hukkunganga.

2 PATTOTTORANG 34:28

lanri kammana anjo tenamo nalaKuhukkung Yerusalem lalang attallasa'nu ija. LaKupa'biangko mate siagang amang.’ ” Jari ammotere'mi anjo sikamma tau nisuroa mae ri karaenga siagang napabattumi anjo pasanga mae ri karaenga.

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

ZAKHARIA 8:16

Iaminne parenta-parenta mustia nugaukang: Punna a'bicarako mae ri parannu tau, a'bicarako sitojennaya. Angngalleko kaputusang adele' ri pangadelanga siagang angngeranga passiamakkang.

PIRAUNG 3:39

Angngapa namusti akkunrareng taua punna nihukkung lanri dosa-dosana?

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

2 SAMUEL 15:26

Mingka punna tena Nangaia', lappassammi apa-apa mamo kajariang situru' ero'Na mae ri kalengku.”

1 SAMUEL 3:18

Nampa napau ngasemmo Samuel mae ri Eli. Tena manna se're nacokkoi. Nampa nakanamo Eli, “Iami Batara, boli'mi kamma Nagaukang apa Nakanaya baji'.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.