YESAYA 39:7 - KITTA' MATANGKASA'

⁷ Battu ri ana' cucunnu nia' lanialle siagang nipa'jari pagawe balla' lompo untu' allayani karaeng Babel.’ ”

YESAYA 39:7 ပူးပေါင်းရင်းမြစ်များ

2 KARAENG-KARAENG 24:10

Lalang wattu ammarentana Yoyakhin, niaki battu maju pasukanna Babel nipimpinga ri perwira-perwira tantarana Nebukadnezar untu' ambunduki Yerusalem, nampa nakurung anjo kotaya.

2 KARAENG-KARAENG 24:12

nampa napassareammo kalenna Karaeng Yoyakhin siagang amma'na, ana'na kabusu', sikamma perwira tantarana siagang pagawe-pagawena balla' karaenga, mae ri Nebukadnezar. Nampa natahammo Yoyakhin. Anjo passalaka kajariangi ri taung makasagantuju wattu ammarentana Karaeng Nebukadnezar.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

2 PATTOTTORANG 36:20

Ra'ya' ta'lappasaka nalalingi mange ri Babel. Anjorengi ke'nanga nipa'jari atanna karaenga siagang atanna jari-jarina karaenga sa'genna ri jammang kakoasanna kakaraengang Persia.

YEREMIA 39:7

Le'baki anjo nikocci'mi assulu' matanna Zedekia, nampa nisikko' na nierang mange ri Babel.