YESAYA 39:1 - KITTA' MATANGKASA'

¹ Tena nabella ri anjo wattua, karaeng Babel, iamintu Merodakh ana'na Baladan, allangngereki kabara' angkanaya beru ammollei Karaeng Hizkia battu ri garrinna. Jari assuromi siapa are tau a'lampa untu' angngerang sura' siagang hadia mae ri Karaeng Hizkia.

YESAYA 39:1 ပူးပေါင်းရင်းမြစ်များ

2 SAMUEL 10:2

Nampa nakanamo Daud, “Anjo Nahas agang majarrekku. Jari musti agang tonga' siagang Hanun ana'na.” Lanri kammana anjo akkirimmi Daud tunisuro mange ri pa'rasangang Amon untu' ansaleori Hanun lanri matena manggena.

2 SAMUEL 8:10

Jari nakirimmi ana' bura'nena niarenga Yoram untu' ampabattui sallanna mae ri Karaeng Daud siagang appabattu salama' lanri anjo pammetanna; lanri anjo Karaeng Hadadezer masarroi a'bundu' siagang Tou. Battui Yoram mange ri Daud siagang angngerangi hadia ga'ga iamintu bulaeng, pera' siagang tambaga.

2 PATTOTTORANG 32:23

Jaimi tau battu mange ri Yerusalem untu' angngerang passare mae ri Batara siagang hadia-hadia untu' Hizkia; sa'genna baku'na anjo wattua nikangngalikammi ri sikontu bansaya.

2 PATTOTTORANG 32:25

Mingka lanri tampona, tenamo nappala' sukkuru' mae ri anjo pannulunNa Batara. Lanri kammana anjo larromi Batara ri tu Yehuda siagang ri tu Yerusalem.

2 PATTOTTORANG 32:31

Siagang ri wattunna battu sikamma tunisuroa battu ri Babel untu' ampakkuta'nangngangi antekamma batena appakalannasa' nammolle ri garrinna, nilappassammi Hizkia ri Batara untu' a'gau' ri ero'na, lanri ero'na niso'ri pa'mai'na.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YESAYA 14:4

Punna Nagaukammo Batara anjo kammaya, lanacau-caumi ke'nanga karaeng Babel, angkana, “Tu'guru'mi karaeng pallaka! Takkulleami anjallakkang.

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)