YESAYA 38:6 - KITTA' MATANGKASA'

⁶ Ikau siagang kota Yerusalem laKupata'lappasakko battu ri karaeng Asyur. Anne kotaya laKula'langi.” Nampa nasuro Na'bi Yesaya taua akkota rappo ara nampa napasapu mae ri lattanna Hizkia sollanna ammolle ammotere'. Akkuta'nammi Karaeng Hizkia angkana, “Apa pammateina angkanaya laNapammollea' Batara siagang akkulle ija' a'lampa mange ri Balla'Na Batara?”

YESAYA 38:6 ပူးပေါင်းရင်းမြစ်များ

2 PATTOTTORANG 32:22

Kammami anjo batena Batara allappassangi Hizkia siagang pandudu'na Yerusalem battu ri kakoasanna Sanherib karaeng Asyur, kammayatompa battu ri musu-musunna maraenga. Nisaremi ke'nanga ri Batara kasannangngang ri katallassanna ke'nanga; tenamo nigarui ke'nanga ri bansa-bansa singngampi'na ke'nanga.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.