YESAYA 37:2 - KITTA' MATANGKASA'

² Nampa nasuro Elyakim, kapala balla' lompoa, Sebna juru tulisi'na pa'rasanganga kammayatompa sikamma imang-imang niaka pangka'na untu' a'lampa angngagangi sicini' Na'bi Yesaya, ana'na Amos. Ke'nanga ammake kaeng karung ngaseng tongi.

YESAYA 37:2 ပူးပေါင်းရင်းမြစ်များ

YESAYA 1:1

Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.

YESAYA 37:14

Natarimami Hizkia anjo suraka battu ri sikamma tunasuroa nampa nabaca. Le'baki anjo a'lampami mange ri Balla'Na Batara nampa naka'rang anjo suraka ri dallekanNa Batara,

YESAYA 36:3

Nampa nia'mo tallu tau pagawena Hizkia mange angngagangi sicini' anjo perwira tantarana Asyur. Anjo tallua pagawe iamintu Elyakim ana'na Hilkia kapala ruma tanggana balla' lompoa, Sebna jurutulisi'na pa'rasanganga, siagang Yoah ana'na Asaf, juru tulisi'na balla' lompoa.

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

2 KARAENG-KARAENG 19:2

Nampa nasuro Elyakim, kapala ruma tanggana balla' karaenga, Sebna jurutulisi'na pa'rasanganga, siagang sikamma imang toayamo, untu' a'lampa mange ri Na'bi Yesaya ana'na Amos. Ammake tommi ke'nanga kaeng karung.

2 KARAENG-KARAENG 18:18

Nampa a'gora ke'nanga angkioki Karaeng Hizkia. Jari nia'mo tallu pagawena Hizkia assulu' ambuntuli ke'nanga. Anjo tallua pagawe iamintu Elyakim ana'na Hilkia kapala ruma tanggana balla' karaenga, Sebna jurutulisi'na pa'rasanganga, siagang Yoah ana'na Asaf jurutulisi'na balla' karaenga.

YESAYA 20:2

Tallun taung allaloa, Nisuroi Yesaya ana'na Amos ri Batara sollanna napasulu' pa'lapa' bangkenna siagang kaeng karung niaka napake. Mannurukimi nampa a'jappa assolara' siagang tena nammake pa'lapa' bangkeng.

YESAYA 22:15

Nasuroa' Batara Kaminang Tinggia siagang Kaminang Makoasaya mange ri Sebna, kapala ruma tanggana balla' lompoa, untu' ampabattui pappasanNa Batara angkana,

YESAYA 22:20

Anjo wattua laKukioki atangKu Elyakim ana'na Hilkia.

YESAYA 37:21

Nampa akkiring pasang Na'bi Yesaya mae ri Karaeng Hizkia, angkanaya nipialimi pappala' doanna karaenga ri Batara.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

ESTER 4:1

Nalangngere'na Mordekhai anjo apa kajarianga, nakekke'mi pakeanna, nampa ammake kaeng karung, a'jari pammatei angkana si'nai. Nakiorimi au ulunna, nampa a'jappa ri kotaya angngarru' lompo appakadinging-dinging pa'mai'.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.