YESAYA 32:7 - KITTA' MATANGKASA'

⁷ Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

YESAYA 32:7 ပူးပေါင်းရင်းမြစ်များ

PAMMUJI 119:95

Attayangi tau ja'dalaka ero' ambunoa', mingka erokka' amparhatikangi hukkunTa.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YESAYA 26:10

Manna nabaji' nigaukang ri tau ja'dalaka, tena todong napappilajari apa annabaya. Manna ri pa'rasangang niaka hukkunna jekkong tonji gau'na, na taeroka angngakui koasaNa Batara.

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

YESAYA 5:23

Mingka lanri ero'nuji anggappa doe' pammuccu', nanulappassang tau salaya, siagang nurompai tau tenaya nasala anggappa kaadelang.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 59:15

Tenamo tau lambusu', siagang inai ampakabellai kalenna battu ri kaja'dallanga, ia kalenna lanipanraki ri kaja'dallang.” Nacini' ngasemmi Batara, siagang tenamo Nasannang pa'mai'Na lanri tenamo kaadelang.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

MATIUS 26:4

A'bicarami siagang a'boyami akkala' ke'nanga, antekamma nakkulle najakkala' cokko-cokko Isa, nampa nabuno.