YESAYA 32:6 - KITTA' MATANGKASA'

⁶ Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

YESAYA 32:6 ပူးပေါင်းရင်းမြစ်များ

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

PANGNGEBARANG 19:3

Napakarugi kalenna rupataua lanri kadongokanna, nampa Batara nasalakang ri anjo passalaka.

PANGNGEBARANG 24:7

Tau toloa takkulleai naselangngi kacara'dekanga. Tena apa-apa akkulle napau punna a'bicara taua ri passala' apa-apa parallua.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 26:10

Manna nabaji' nigaukang ri tau ja'dalaka, tena todong napappilajari apa annabaya. Manna ri pa'rasangang niaka hukkunna jekkong tonji gau'na, na taeroka angngakui koasaNa Batara.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YESAYA 31:2

Cara'deki Batara siagang Naassengi apa Nagaukanga. Appabattui bala siagang angngancangi laNahukkung tau ja'dalaka siagang tau antulungai anjo tau ja'dalaka.

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

AMOS 8:6

Gandung panraka akkullei nibalukang tinggi ballinna. A'boyaki' tu kasi-asi tenaya nakkulle ambayaraki inranna, manna pole nainrang sipammalli sandala' bawang, na niballi a'jari atanta.”

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.