YESAYA 3:9 - KITTA' MATANGKASA'

⁹ Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

YESAYA 3:9 ပူးပေါင်းရင်းမြစ်များ

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 19:34

Ammukona bari'basa', nakanamo anjo ana' toaya mae ri andi'na, “Ri bangngia assikatinroamma siagang manggeta! Sinampe' punna bangngi niusahakangi pole nanasa'ring. Nampa mangeko assikatinroang. Sallang massing anggappaki' ana'.”

PA'JARIANG 4:5

Mingka natollaki Kain siagang koro'bang napassareanga. Larro sikalimi Kain, siagang sekke'mi nicini' tanja'na.

2 KARAENG-KARAENG 9:30

Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

PAMMUJI 10:4

Tu dorakaya tanajampangiai Batara, lanri tampona nanakana tena Allata'ala.

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PANGNGEBARANG 30:13

Nia' tau nakanai kalenna baji' sikali, teai sipato' baji'na!

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

YESAYA 3:16

Nakana Batara, “Teai sipato' borrona bai'-bainea ri Yerusalem! Sanna' lalena, nangai akkido kanynying siagang tampo sikali nicini' a'jappa. Napare'-pareki dakkana, a'rincing-rincingi ponto bangkenna.

YESAYA 57:20

Mingka tau ja'dalaka rapangi tamparang a'bombanga siagang tenaya nale'ba' sannang. Lo'loro'na angngerangi loro siagang peo'.

YESAYA 59:12

Tamaka jaina kaja'dallanna ikambe mae ri Katte; dosa-dosana ikambe ampassalai ikambe. Napahang tojemmi ikambe kaja'dallanna ikambe, siagang naassemmi sikamma dosa-dosana ikambe.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

PIRAUNG 5:16

Tenami kalompoanna ikambe cilakami ikambe napakamma doraka.

YEHEZKIEL 16:30

Nakana Batara Kaminang Tinggia, “Kabusu'na anjo nugaukangi salaku pasundala' tenaya siri'na.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

YEHEZKIEL 23:16

Ri wattunna nacini' Oholiba anjo gambara'-gambaraka, tenamo naparrangi balere'na siagang akkirimmi undangang mange ri anjo perwira-perwirana Babel.

DANIEL 7:20

Ero' tongi kuasseng battuanna anjo sampuloa tanru' ri ulunna siagang anjo tanru' ca'di ammumbaya ri boko nampa nabi'bu' tallua tanru' rioloangannaya. Anjo tanru' ca'dia nia' matanna siagang bawana a'bicara kosonga siagang tampoa. La'bi appakamalla'-mallakkangngangi naanjo tanru'-tanru' maraenganga.

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

PAPPICINI' 11:8

Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.

1 SAMUEL 15:32

Nampa naparentakammo Samuel angkana, “Erangi Karaeng Agag mae anrinni.” Battumi Agag mae ri ia, lompo panrannuang, lanri napikkiriki angkanaya, “Bellami bahaya kamateanga.”