YESAYA 3:8 - KITTA' MATANGKASA'

⁸ Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YESAYA 3:8 ပူးပေါင်းရင်းမြစ်များ

2 PATTOTTORANG 28:18

Ia todong anjo wattua nabattu tu Filistin ambunduki kota-kota niaka ri bangkeng bulu' bageang ilauka siagang ri daera bageang timboro'na Yehuda. Naallemi ke'nanga kota-kota Bet-Semes, Ayalon, Gederot, Sokho, Timna, Gomzo, siagang desa-desana, nampa ammantang ke'nanga anjoreng.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

PANGNGEBARANG 26:27

Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

YESAYA 57:4

Inai nukakkali? Inai nucau-cau? Sai ikau turungang paballe-balleko siagang turungang tau nangaia angngewa?

YESAYA 59:3

Salako lanri a'balle-balleko siagang a'gau' jekkongko, lanri nugaukanna gau' katerassanga kammayatompa ammunoko.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

YEREMIA 23:36

Takkulleami ke'nanga ammake kana-kana ‘pisangnganNa Batara’. Punna nia' ija ampakei anjo kana-kana kammaya, laKupa'jari anjo pasangKu a'jari pisangngang tojeng mae ri kalenna. Tau angkanaya ‘pisangnganNa Batara’ poro natunggennaja bicarangKu, Allata'alana ke'nanga, Allata'ala mattallasa', Batara Kaminang Koasaya.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEREMIA 44:3

Nakajariang ngaseng anjo sikammaya lanri dorakai pandudu'na, sa'genna napakallaroA'. Assarei ke'nanga koro'bang siagang anynyombai mae ri rewata-rewata tenaya nale'ba' nasomba ke'nanga, tenaya nale'ba' nusomba yareka nasomba boe-boenu.

PIRAUNG 1:9

Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.

YEHEZKIEL 8:12

Nakana Allata'ala ri nakke, “He tau, nuciniki apa nagaukang cokko-cokkoa sikamma pamimpinna tu Israel? Anynyombai ke'nanga lalang ri kamara' rassia siagang barhala; lanri nakana kalenna ke'nanga Kubokoimi anne pa'rasanganga siagang tenamo naKuciniki panggaukanna ke'nanga.”

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

YUDAS 1:15

untu' angngadeli sikontu rupataua. LaNahukkung ngasengi Batara sikamma tau ja'dalaka lanri panggaukang bambala'na ke'nanga. Siagang laNahukkung ngaseng tongi bicara-bicara hina napaua sikamma tau dosaya siagang dorakaya.”