YESAYA 3:13 - KITTA' MATANGKASA'

¹³ Sadiami Batara untu' antuntuki siagang angngadeli umma'Na.

YESAYA 3:13 ပူးပေါင်းရင်းမြစ်များ

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 74:22

Ammenteng maKi' o, Allata'ala, Kipattojenga' ri parkaraku! Saba' sila'busu' alloKi' nihina ri tau tenaya natappa' mae ri Katte.

PAMMUJI 82:1

Pammujina Asaf. Allata'ala ampimpingi sidang kakaraenganga ri suruga, nampa assare kaputusang angkana,

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YESAYA 51:22

Kammaminne kananNa Bataranu, Karaeng Allata'alanu angngalleangako, “Ia passessa Kupabattua mae ri kau lalang larroKu, laKuallei ammotere' battu ri kau. Lanaungi larroKu, siagang tea' mako tanggongi pole.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YO"EL 3:12

Nakana pole Batara, “Sikamma bansaya musti sadiai siagang a'lampai mange ri Ka'bung Pangadelanga. AnjorengA' langngadeli bansa-bansa singngampi'na ummakKu.

MIKHA 6:1

Pilangngeri tuduhanNa Batara mae ri Israel. Ammenteng maKi', o Batara, Kipamajumi tuduhanTa! Lappassammi nalangngere' monconga siagang buluka apa eroka Kipau.

MIKHA 6:2

He sikamma monconga, he sikamma lappara'na buttaya, pilangngeri tuduhanNa Batara! Nia' parkaraNa siagang Israel umma'Na siagang laNatuntuki ke'nanga.