YESAYA 28:3 - KITTA' MATANGKASA'

³ Kalompoang pa'mai'na anjo sikamma pamimping nasa'ringa lanionjo'-onjokangi.

YESAYA 28:3 ပူးပေါင်းရင်းမြစ်များ

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

YESAYA 26:6

Sikamma tu kasi-asia siagang tau pa'risika langngonjo'-onjokangi.”

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 5:11

Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

YESAYA 63:3

“Kale-kalengKu antama' ri pammaccokang anggoroka tena battu ri ummakKu antulungA'. Kuonjo'-onjokangi bansa-bansaya lalang larroKu, rapang tau angngonjo'-onjokanga rappo anggoro'. Tappaccoki cera'na ke'nanga na nabasai bajungKu, nara'massi sikontu pakeangKu.

YESAYA 9:9

“Rumbammi sikamma bangunang balla' batua, mingka lappare' poleangi ikambe balla' batu beru. Le'ba'mi nita'bang sikamma poko' kayu araya, mingka lanasambei ikambe siagang kayu camara Libanon kaminang bajika.”

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.