YESAYA 27:7 - KITTA' MATANGKASA'

⁷ Nahukkungi Batara umma'Na, mingka tena nasangkamma battala'na punna Nahukkung bansa-bansa ammusuai ke'nanga. Tena Nabunoi umma'Na, sangkamma batena ambunoi musunNa.

YESAYA 27:7 ပူးပေါင်းရင်းမြစ်များ

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 10:17

Allata'ala matangkasaka, Cayana Israel, la'jari pepe' angkanreai sikamma apa niaka lalang siallo bawang, ba'lalo sikamma rompo' katintinga.

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

YESAYA 17:3

Tenamo la'jari pajaga mae ri Israel nampa Damsyik latappela'mi kabebasanna. Tu Siria niaka ija tassesa la'jari hinai lalang tallasa'na sangkamma tu Israel. INakke, Batara Kaminang Makoasaya, anne le'ba' akkana kamma.”

YESAYA 30:31

La'jari gegereki tu Asyur punna nalangngere' sa'ranNa Batara siagang nakasia' hukkungang lompoNa.

YESAYA 31:8

Laniancuruki Asyur lalang pa'bundukang, mingka teai lanri kagassinganna rupataua. Lalari tu Asyur battu ri tampa' pa'bundukanga, nampa lanipa'jari ata ngaseng sikamma tau rungkana ke'nanga.

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YEREMIA 50:40

Antekamma bateKu angngancuruki Sodom siagang Gomora siagang sikamma desa-desa niaka ri tammulilina, kamma tomminjo bateKu langngancuruki Babel. Tena manna sitau lammantang pole anjoreng. INakke, Batara, anne akkana.

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

NAHUM 1:14

Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

NAHUM 3:19

Bokka'nu takkulleai niballei, siagang loko'-loko'nu takkulleami pia. Sikontu tau allangngerekai kaancurannu attempa limami napakamma rannu. Nasaba' sessa ngasemmi taua napakamma anjo kaja'dallannu kala'busanga.