YESAYA 27:1 - KITTA' MATANGKASA'

¹ Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 27:1 ပူးပေါင်းရင်းမြစ်များ

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

AYUB 3:8

He tu sanroa siagang tuppajappana Lewiatan tujumi anjo alloa siagang passumpa na pattunra;

AYUB 40:19

Ri sikamma apa attallasa' bate parekKu, iami kaminang appakalannasa'; Tumappare'na bawang akkulle ambetai!

AYUB 41:1

“Maka akkullei nujakkala' buaya niarenga Lewiatan, naporo sipappa'ja pekang nupake? Maka akkullei nupaukang lilana siagang otere' passikko'?

PAMMUJI 104:26

Anjoremmi sikamma kappalaka asombala', siagang Lewiatan, naga tamparang bate paretTa, akkarek-karena.

PAMMUJI 45:3

Ikaumi kaminang gammara' ri alla'na sikontu rupataua, kana-kanannu rassi kabajikang, lanri kammana minjo naNabarakkakiko Allata'ala sa'genna satunggu-tungguna.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

YEREMIA 51:13

Anjo pa'rasanganga teai sipato' kalumanynyanna siagang jai binangana, mingka lala'busu'mi wattu tallasa'na; battumi kala'busang katallassanna.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

AMOS 9:3

Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 13:11

Nampa nia' kucini' sikayu olo'-olo' maraeng ammumba battu lalang ri buttaya. Nia' rua tanru'na sangkamma tanru' ana' gimbala'. Sa'ranna sangkammai sa'ra naga.

PAPPICINI' 13:4

Nasombami ke'nanga anjo naga le'baka assarei kakoasang anjo olo'-oloka. Kammayatompa anjo olo'-oloka nasomba tommi ke'nanga. Nakanamo ke'nanga, “Tenamo sangkammanna anne olo'-oloka! Tenamo akkulle angngewai a'bundu'.”

PAPPICINI' 16:13

Nampa nia'mo kucini' tallu roh ja'dala' sangkammaya tumpang tanja'na. Anjo tumpanga battu anjorengi assulu' ri bawana nagaya, battu ri bawana anjo olo'-oloka, siagang battu ri bawana na'bi balle-ballea.

PAPPICINI' 17:1

Le'baki anjo battumi mae ri nakke kalase'renna anjo tujua malaeka' anna'galaka pammoneang na nakana, “Maeko, lakupicinikiangko antekamma batena lanihukkung anjo pasundala' lompoa, iamintu anjo kota lompoa, nibangunga ri ampi'na binanga-binangaya.

PAPPICINI' 17:15

Nakana pole anjo malaekaka, “Anjo je'ne' nucinika, napammempoia anjo pasundalaka, iaminjo bansa-bansaya, ra'ya'-ra'yaka, pa'rasangang-pa'rasanganga siagang bahasa-bahasaya.

PAPPICINI' 19:21

Nampa nibuno ngaseng tantarana ke'nanga siagang pa'dang assuluka battu ri bawana anjo padongko' jarang keboka. Nabattu ngasemmo jangang-janganga angkanrea tojengi assinna anjo ke'nanga nibunoa.

PAPPICINI' 2:16

Lanri kammana, toba' laloko battu ri dosa-dosanu ngaseng! Punna tena, sinampe' mami Kulabattu mae ri kau ngaseng ambunduki siagang pa'dang niaka ri bawaKu anjo tau kammaya.

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.