YESAYA 26:8 - KITTA' MATANGKASA'

⁸ Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 26:8 ပူးပေါင်းရင်းမြစ်များ

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PAMMUJI 130:5

Kutayangi bantuanNa Batara, janjinNa kurannuangi.

PAMMUJI 18:23

Sikontu hukkunNa kuparhatikangi, tena kukaluppai sikamma parentaNa.

PAMMUJI 42:2

Sanrapang jonga nakku' ri je'ne' binanga, kammaminjo nakku'na nyawaku ri Katte, o, Allata'ala.

PAMMUJI 65:6

Kipiali ikambe iamintu Kisarei ikambe pammetang, Kigaukangi apa-apa appakalannasaka untu' ampasalamaki ikambe! IKattemi panrannuanna sikontu bansaya sa'genna mange ri tamparang bellaya.

PAMMUJI 73:25

Inai kupatang ri suruga pantaranganna iKatte? Pantaranganna iKatte tena kukaeroki ri lino.

PAMMUJI 84:2

Tamaka appakasannanna tampa' pammantanganTa, o, Allata'ala Kaminang Koasaya!

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

YESAYA 12:4

Nia' sallang se're wattu na nukana, “Sukkurukko mae ri Batara, siagang anynyombako ri Ia. Kabarrangi mae ri bansa-bansaya kalompoanNa siagang sikontu panggaukanNa.

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 26:13

Le'baki ikambe nikoasai ri karaeng-karaeng maraeng, mingka iKatteji bawang naakui ikambe, o, Karaeng Allata'alana ikambe!

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 33:2

O, Batara, Kikamaseang laloi ikambe. IKattemi panrannuanna ikambe. Kijagai ikambe ri tunggala' alloa, siagang pasalamaki ikambe ri wattu kasukkaranga.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 51:4

Parhatikangi sa'rangKu, he bansaKu, pilangngeri kana-kanangKu, he ummakKu. Kupassareangi ajarangKu mae ri bansa-bansaya, hukkung-hukkungKu lansingari ke'nanga.

YESAYA 56:1

Nakana Batara ri umma'Na, “Gaukangi apa adeleka siagang apa situruka siagang hukkungKu. Saba' sinampe' mami naKubattu ampasalamakko na nipa'nyata kaadelangKu.

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAMMILANGNGANG 36:13

Iaminjo paratorang-paratorang siagang katantuang-katantuang Napassareanga Batara mae ri bansa Israel tete ri Musa, wattunna nia' bansa Israel ri lappara' Moab ri biring Binanga Yordan, ri ampi'na kota Yerikho.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LAMPA-LAMPANA 1:4

Na ri wattunna a'rappungang siagang ke'nanga, Nasaremi parenta ke'nanga Nakana, “Teako rolong a'lampai battu ri Yerusalem. Attayangko rolong anjoreng, sa'gennu Nasare Allata'ala anjo apa le'baka Napa'janjiang, iamintu apa le'baka Kupau ri kau ri pirangalloang.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.