YESAYA 26:7 - KITTA' MATANGKASA'

⁷ Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

YESAYA 26:7 ပူးပေါင်းရင်းမြစ်များ

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

AYUB 31:6

Lappassamma' Natimbang Allata'ala irate ri timbangang annabaya, na laNaasseng angkana tena nakusala.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 11:7

Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.

PAMMUJI 25:4

Kipicinikianga' erotTa, o, Batara, Kipa'nyatai apa musti lakugaukang.

PAMMUJI 25:5

Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

PANGNGEBARANG 11:5

Oloanna tau bajika nilapparri ri kalambusang, mingka tau ja'dalaka naerangi kalenna mae ri kapanrakanga.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.

PANGNGEBARANG 21:8

Tau salaya, a'lekko-lekkoi oloanna; tau bajika tuli lambusuki tallasa'na.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

YEREMIA 10:23

Batara, kuassengi angkanaya tena manna sitau makoasa ampattantui sarenna yareka allewai oloang tallasa'na.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

1 YOHANES 3:7

Sikamma ana'-anakku, teako passareangi kalennu nipasala oloang ri tau maraenga. Inai-nai anggaukangi ero'Na Allata'ala, iami ana'Na Allata'ala sangkamma todong Almasi Ana'Na Allata'ala.