YESAYA 26:5 - KITTA' MATANGKASA'

⁵ Napakatunai Batara tau tampoa; Naancurukui kota pattahanganna ke'nanga, na Napasilappara' siagang buttaya.

YESAYA 26:5 ပူးပေါင်းရင်းမြစ်များ

PAMMUJI 79:8

TeaKi' hukkungi ikambe lanri dosana boe-boena ikambe. Linta' maKi' kamaseangi ikambe, lanri tappu' minasami ikambe.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

YESAYA 14:13

Appattujuangko nai' ri langika siagang nupadongko' empoang kala'birannu irate ri bintoeng kaminang tinggia! Nupikkiriki angkana akkulleko ammempo salaku karaeng irate ri moncong bageang wara', tampa'na sikamma rewataya a'rappungang.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 24:10

Kabusu'na kotaya ricu ngasemmi; sikontu pakke'bu' ballaka takkonci ngasengi lanri malla'na ngaseng bonena.

YESAYA 25:2

Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YESAYA 32:19

Tamaka mate'nena ngaseng nukasia' lanri ganna'na je'neka untu' lamung-lamunnu, olo'-olo' piaranu la'rukuki kemae-kemae siagang amang. Mingka musunnu lasanrapangi romang nitujua ri bosi batu; kotana ke'nanga laniruntungi.

YESAYA 47:1

Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 51:64

nampa nukana, ‘Kammaminne lakajarianga mae ri Babel. Anne pa'rasanganga latallangi siagang talammumbayami ammotere' lanri bala Napabattua Batara mae ri ia.’ ” Sa'genna anrinni kana-kananna Yeremia.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

YEHEZKIEL 26:11

Pasukang a'jaranga la'jalloki ri sikamma oloannu, nabunoi pandudu'nu siagang pa'danna ke'nanga. Sikamma menaranu kassaka siagang gammaraka lanarumbangi.

YEHEZKIEL 28:17

Tanja'nu gammaraka angngerangko mae ri tampoa siagang anjo masahoro'nu a'jari saba' nuppanggaukang tolo. Lanri kammana anjo, Kupatappasakko naung ri buttaya siagang Kupa'jariko pappakainga' mae ri karaeng-karaeng maraenga.’ ”

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.