YESAYA 26:2 - KITTA' MATANGKASA'

² Sungkei sikamma pakke'bu' lompoa, sollanna antama' bansa tamamminraya, bansa anggaukangai ero'Na Allata'alana.

YESAYA 26:2 ပူးပေါင်းရင်းမြစ်များ

PAMMUJI 106:5

Poro kucini' tollalo kacopponganna tunipileTa siagang a'rannu-rannu siagang ummatTa. Poro lompo todong pa'maikku siagang rannu siagang sikamma tua'jaria Kipatang.

PAMMUJI 118:19

Sungkeanga' pakke'bu' lompona Balla'Na Batara, sollangku antama' siagang appala' sukkuru' ri Ia.

PAMMUJI 118:20

Iaminne pakke'bu' lompoNa Batara, tau lambusuka bawang akkulle numalo.

PAMMUJI 24:7

Sungkemi lua'-luara' pakke'bu' lompo toaya, sollanna antama' Karaeng mala'birika.

KALAPPASSANG 19:6

poro untu' KalengKu bawang, nampa ikau lanulayaniA' salaku imang-imang.”

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 54:14

Nibangungko irate ri kaadelang, nipakabellako battu ri mallaka siagang panjallakkanga.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YESAYA 58:8

Na lammumbamo singaraka mae ri kau rapang ammumbana alloa, siagang lammollemi linta' sikamma bokka'nu. LaKururungangko untu' ampasalamakko. LahaderekKa' untu' anjagaiko battu ri tammulilinu.

YESAYA 60:11

Allo bangngi latassungke pakke'bu' lomponu, sollanna akkulle nierang mae ri kau kakalumanynyanganna sikamma bansa-bansaya, siagang sikamma karaenna ke'nanga nitahanga.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 62:1

Lanri Yerusalem kula'bicara, lanri Sion kutala'mereki, sa'genna nipasalama' naccaya pammetanna rapang sulo ri wattu bangngi.

YESAYA 62:10

He pandudu'na Yerusalem, assulukko allalo ri pakke'bu' lompoa, pasadiai oloanga untu' sikamma tau ammotereka. Apparekko agang lompo, pabellai batu-batunna, paentengi sikamma banderaya untu' bansa-bansaya.

YESAYA 62:2

He Yerusalem, naciniki bansa-bansaya pammetannu, naparhatikangi sikamma karaenga kalompoannu. Lanisareko areng beru, na KalenNa Batara lassareko anjo arenga.

ZAKHARIA 8:20

Nakana Batara Kaminang Koasaya, “Labattui sallang wattunna nabattu pandudu' battua ri jaia kota mange ri Yerusalem.

LAMPA-LAMPANA 2:47

Siagang tuli mammuji-muji ke'nanga ri Allata'ala, na ningai ngaseng ri tau jaia. Pila' mange allo pila' katambangi jaina ke'nanga, lanri pila' Natambai Allata'ala tau nipasalamaka mae ri ke'nanga.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.

PAPPICINI' 21:24

La'jappami bansa-bansaya ri lino lalang ri singara'na, siagang karaeng-karaenga lanaerammi kakalumanynyanganna antama' ri anjo kotaya.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.