YESAYA 26:11 - KITTA' MATANGKASA'

¹¹ O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 26:11 ပူးပေါင်းရင်းမြစ်များ

AYUB 34:27

Saba', tamannurukiai ke'nanga ri ero'Na na tanajampangia sikontu parentaNa.

PAMMUJI 10:12

Ammenteng maKi', o, Batara, hukkungi tu ja'dalaka! Kiu'rangi tau nijallakkanga!

PAMMUJI 21:8

Manrannuangi karaenga mae ri Batara Kaminang Tinggia, tuli amangi lanri tuli nikamaseangi ri Batara.

PAMMUJI 28:5

Tanajampangiai ke'nanga panggaukanNa Batara, yareka apa le'baka Nagaukang. Jari lanihukkummi ke'nanga ri Batara, siagang laniposso'mi ke'nanga sa'genna satunggu-tungguna.

PAMMUJI 78:63

Turungkana ke'nanga nikanrei ri pepe'; tena ambuntingi tulolonna ke'nanga.

PAMMUJI 86:17

Kisarea' tanra kabajikanTa, o, Batara, sollanna a'jari siri'-siri' tau birisika ri nakke, punna nacini' ke'nanga angkana Kitulunga' siagang Kisaleoria'.

KALAPPASSANG 9:14

Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

YESAYA 10:17

Allata'ala matangkasaka, Cayana Israel, la'jari pepe' angkanreai sikamma apa niaka lalang siallo bawang, ba'lalo sikamma rompo' katintinga.

YESAYA 11:13

Tenamo nalangngiri mata kakaraenganna Israel mae ri Yehuda, siagang Yehuda tenamo nanamusui Israel.

YESAYA 18:3

He, ikau ngaseng niaka empo ri lino! Parhatikangi punna nipanai'mo sikamma banderaya ri coppo'na sikamma monconga!

YESAYA 37:32

Ri Yerusalem siagang irate ri Bulu' Sion lania' tau salama', lanri le'ba'na Napattantu Batara Kaminang Makoasaya angkana lakammai anjo passala' lakajarianga.

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YESAYA 44:9

Anjo tau appareka barhala tena matu-matunna, siagang anjo rewata-rewata napakalompoa ke'nanga tena anggaranna. Tau anynyombaya ri anjo patunga butai siagang tena apa-apa naasseng, lanri kammanna lasiri'-siriki ke'nanga napakamma.

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YESAYA 9:18

Sanna' larroNa Batara Kaminang Koasaya, na hukkunganNa rapangi pepe' a'rinra lompo; nampa anjo bansaya napare' kayu tunuang sa'genna cappu' nakanre pepe'. Tena manna sitau angkamaseangi sari'battanna.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YESAYA 9:7

Napabattumi Batara hukkunganga mae ri kakaraenganna Israel.

YEREMIA 44:28

Poro siapa areji bawang lasalama' siagang ammotere' mange ri Yehuda battu ri Mesir. Jari sikontu tu Yehuda niaka ri Mesir lanaciniki angkana apaka kananna ke'nanga yareka kana-kanangKu la'rupa.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

MIKHA 5:9

Nakana Batara, “Anjo wattua laKupa'lanynyaki sikontu jarannu, siagang Kupanraki sikamma kareta bundu'nu.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

MIKHA 7:16

Lanaciniki bansa-bansaya anjo passalaka siagang a'jari siri'-siri' lanri nasadarina angkanaya sikontu kagassinganna ke'nanga tena anggaranna. Latakkaluppai ke'nanga sa'genna takkulleamo a'bicara yareka allangngere'.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

LUKAS 16:23

Sanna'mi sessana nasa'ring ammantang ri lino pammantanganna tau matea. Na ri wattunna accini' battu rawa nai' nacini'mi battu bella Abraham siagang Lazarus ammempo ri sa'rinna Abraham.

LAMPA-LAMPANA 28:27

Nasaba' a'jari pokkolo'mi pikkiranna anne bansaya, nijempammi tolinna ke'nanga, siagang nitongko'mi matanna ke'nanga. Nasaba' punna tena nakamma, mattantu lamaccini'ji matanna ke'nanga, lamallangngere'ji tolinna ke'nanga, lammahanji atinna ke'nanga, siagang lammotere'mi ke'nanga mae ri Nakke, nampa Kupa'jari baji' ke'nanga ammotere',’ kammaminjo kananNa Allata'ala.”

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

1 SAMUEL 6:9

Parhatikangi jappana; punna anjo Patti Parjanjianga nierang mangei ri pa'rasangang kalenna, iamintu kota Bet-Semes, battuanna Allata'alana tojeng tu Israel ampabattui anjo kacilakang lompoa mae ri katte. Mingka punna tena na'lampa mange anjoreng anjo karobaya, laniassemmi angkanaya anjo balaya teai bala battu ri Allata'alana tu Israel, passangalinna kabutulanji bawang.”