YESAYA 24:8 - KITTA' MATANGKASA'

⁸ Tenamo nilangngere' ko'bi' kacapi a'rannu-rannua siagang tunrung rabana ma'reja-rejaya. Ammarimi kasuarranna tau a'rannu-rannua.

YESAYA 24:8 ပူးပေါင်းရင်းမြစ်များ

AYUB 3:7

Boli'mi kamma bangngia rassi siagang sassang, tena passikarimangngi, tena karannuang.

AYUB 30:31

Riolo kulangngereki musi' rannua, anne kamma poro karru' na piraung mami.”

PAMMUJI 137:2

Ri poko'-poko' kayu gandarusa ri anjo pa'rasanganga nagentung kacapinna ikambe.

YESAYA 16:10

Tena manna sitau rannu ri sikamma anjo koko copponga. Tenamo manna sitau akkio' rannu yareka akkelong-kelong ri koko anggoroka. Tena tau ammacco' anggoro' untu' appare' je'ne' anggoro'. Kupammarimi kio' rannuna ke'nanga.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YESAYA 5:14

Tassungke luaraki bawana kamateanga untu' angnga'luki sikamma pamimpinna Yerusalem siagang ra'ya' sitabanga assua'-suara'.

YEREMIA 16:9

Pilangngeri anne eroka Kupau ri kau, iNakke Batara Kaminang Koasaya, Allata'alana Israel. Sa'ra rannuna siagang kakkala'na anjo passua'-suarrang pa'buntinganga laKupammari ngasengi. Anjo sikammaya lanacini' ngasengi sikamma tau attallasaka ri anne jammannu.

YEREMIA 25:10

Sikamma sa'ranna tau a'rannu-rannua siagang passua'-suarranna pa'buntinganga laKupammari. Latenamo minynya' lampunna ke'nanga, siagang lacappu'mi gandunna ke'nanga.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

PIRAUNG 5:14

Tenamo nasse're tau toaya ri pakke'bu' lompona kotaya, tenamo nilangngere' musi' battu ri tau rungkaya.

YEHEZKIEL 26:13

LaKupammari sikontu kelong-kelonnu siagang sa'ra kacapinnu.

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

AMOS 6:7

Lanri kammana anjo, ikau ngasemmi uru-uru laniengka' mange ri butta pammelakkanga. Passua'-suarrannu siagang pangnganreang-pangnganreannu lakala'busammi.

PAPPICINI' 18:22

Sa'ra kacapia, sa'ra pakelonga, sa'ra sulinga, siagang sa'ra tarompeka, tena ngasemmo nakalangngerang lalang ri kau. Tena tommo lanubuntulu' tu cara'de' manna sitau anjoreng, kammayatompa tena tommo sa'ra batu pa'giling lakalangngerang.