YESAYA 24:1 - KITTA' MATANGKASA'

¹ LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YESAYA 24:1 ပူးပေါင်းရင်းမြစ်များ

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

NEHEMIA 1:8

O, Batara, Kiu'rangi kana-kananTa napabattua Musa saba' parentaTa. Angkanaya, punna ikambe, umma' Israel, amminrai mae ri Katte, laKipasisa'la'-sa'laki mae ri alla'na bansa maraenga.

PAMMUJI 146:9

Najagai tau battu-battua; Natulungi sikamma jandaya siagang ana' kukanga, mingka napassalasai rancanana tau ja'dalaka.

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 24:19

A'lattai buttaya, ta'lenggai, na ancuru'.

YESAYA 24:20

Bundala'na linoa lata'royong-royongi rapang tau nasa'ring, ta'ge'goso' rapang balla' kepo lalang ri anging lompoa. Laruntungi buttaya lanri battala'na dosana. Ancuruki siagang takkuleai ambangung ammotere'.

YESAYA 27:10

Anjo kota niaka pattahanganna a'jari sinomi siagang nibokoimi rapang parang luara' tenaya bonena. Olo'-olo' piaraya anjorengi a'ruku' siagang ammari-mari; napila'busi sikamma leko'-leko' kayua battu ri tangke-tangkenna.

YESAYA 29:16

Yangasenna ke'nanga natunggengi. Kereanga la'bi parallu, papare' uringa, yareka butta pika? Maka lakkullei anjo apa nipareka akkana mae ri tumappare'na, “Teai ikau amparekka'”? Yareka akkullei anjo baranga angkana ri ia, “Tena apa-apa akkulle nugaukang”?

YESAYA 29:2

Mingka laNapabattui Allata'ala balaya irate ri anjo kotaya, sa'genna ammarrang siagang akkunrareng taua. Kabusu'na kotaya lasangkammai tampa' pakkoro'bangngang attalaka cera'.

YESAYA 30:32

Lalang napisa'ringinna sikamma pannunrunNa, umma'Na Batara assannang-sannangi appasa'ra musi' ganrang, siagang kacapi. KalenNa Allata'ala la'bundu' angngewai tu Asyur.

YESAYA 32:12

Karrukimi sikamma koko copponnu siagang sikamma koko anggoro'nu roasaka rapponna,

YESAYA 33:9

Nibokoimi pa'rasanganga a'jari sino. Ta'ronammi romang-romanna Libanon, sikamma ka'bunna Saron copponga a'jari sangkammami parang luara'. Ri Basan siagang ri Moncong Karmel ru'rusu'mi leko'-leko' kayua.

YESAYA 34:10

Allo bangngi tamatea rinrana, na nai'mo umbuna satunggu-tungguna. Lanibokoi anjo buttaya a'jari kosong siagang kalotoro' ri sikontu turungang, na tena manna sitau langngoloi.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YESAYA 42:15

LaKupa'jari kalotoroki monconga siagang buluka, Kupa'jari kalumeng sikontu timbo-timboanna. Kupinrai ka'bung binangaya a'jari parang lompo, sikontu kollang lompoa Kupa'jari kalotoroki.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEREMIA 40:15

Nampa a'bicara cokko-cokkomi Yohanan mae ri Gedalya angkana, “Baji'mi nakua'lampa ambunoi Ismael; tena manna sitau langngassengi angkana inai ambunoi. Angngapa namusti nilappassang ambunoko? Anjo sallang kale'bakkanna sikontu tu Yehuda asse'reamo anrinni siagang ikau, lasisa'la'-sa'laki ammotere', sa'genna akkullei ancuru' sikontu ra'ya' niaka ija tassesa ri Yehuda.”

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

YEREMIA 9:16

LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”

YEHEZKIEL 12:20

Kota-kota kamma-kammaya anne rassi siagang pandudu', laniancuruki; siagang sikamma koko niaka la'jari parang kalotoroki. Jari naassemmi ke'nanga angkana iNakke Batara.”

YEHEZKIEL 24:11

Kamma-kamma anne padongkoki anjo uring tambaga kosonga irate ri pepeka siagang lappassangi sa'genna a'jari eja a'bara. Punna le'ba'mo akkanre taianna, anjo uringa latangkasa'mi ammotere' situru' atorang agamaya.

YEHEZKIEL 35:14

INakke Batara Kaminang Tinggia Kukana: Sikontu linoa lasannangi ri wattunna Kupa'jari sino sikali sikontu pa'rasangannu,

YEHEZKIEL 5:14

La'jari mamako rapang loro-loro bawang, nampa sikontu bansa-bansa niaka ri tammulilinu lanacau-cauko; tunggala' tau allaloa la'lili ngasengi ampakabellai kalenna battu ri kau.

YEHEZKIEL 5:2

Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

YEHEZKIEL 7:14

Assa'rai tarompeka siagang sadia-sadia ngasemmi taua. Mingka tena manna sitau la'lampa mange ri tampa' pa'bundukanga, lanri sikontu taua nituju kabusuki ri pangngalarroinNa Allata'ala.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

LAMPA-LAMPANA 17:6

Mingka lanri tenana nabuntuluki ke'nanga Paulus siagang Silas, a'gilimmi ke'nanga anre'resangi Yason siagang siapa are tau tappa' maraenganga, mae ri dallekanna sikamma pamarenta anna'galaka koasa ri anjo kotaya. Akkio'-kioki ke'nanga angkana, “Anne tau ruaya angngacoi ri kere-keremae! Kamma-kamma anne battu tommi ke'nanga ri kotata;

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 32:26

ErokKa' ampa'lanynya' taba sikali ke'nanga, sollanna taniu'rangiamo ke'nanga.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.