YESAYA 21:2 - KITTA' MATANGKASA'

² Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 21:2 ပူးပေါင်းရင်းမြစ်များ

PA'JARIANG 10:22

Sikamma ana'na Sem iamintu: Elam, Asyur, Arpakhsad, Lud, siagang Aram.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

PAMMUJI 119:158

Birisika' anciniki anjo sikamma tau ta'gilinga a'jari bali, lanri tena naturuki ajaranTa.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAMMUJI 79:11

Kipilangngeri laloi kunrarenna sikamma tau nitahanga; poro sikamma tau nipattantua lamate nitallassi lanri koasaTa.

PANGNGEBARANG 13:15

Tau bajika akkala'na lanipalecei; tau tenaya nipatappaki lasusai tallasa'na.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 14:4

Punna Nagaukammo Batara anjo kammaya, lanacau-caumi ke'nanga karaeng Babel, angkana, “Tu'guru'mi karaeng pallaka! Takkulleami anjallakkang.

YESAYA 14:7

Kale'bakkanna laamammi siagang sannammi sikontu linoa, na massing akkelong rannumo taua.

YESAYA 22:6

Battui tu Siria a'dongko' jarang siagang kareta pa'bundukang, tu Elam angngerang sanjata pana, tu Kir sadia siagang pa'lapa' barambanna untu' a'bundu'.

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

YEREMIA 31:25

Ia mangnganga laKupakabajiki pakkasia'na, siagang ia posoa lanri cipuru' laKupakabassoroki.

YEREMIA 45:3

akkunrarengko kamma anne, ‘Ah, teai sipato' cilakaku anne! Jai sikali kasukkarrangku, nampa Natambai pole Batara siagang kasessang. Mangngamma' akkunrareng, tena sikali kasannangngang!’

YEREMIA 49:34

Tena nasallo Zedekia a'jari karaeng Yehuda, a'bicarai Batara Kaminang Koasaya ri nakke, ri sesena pa'rasangang Elam.

YEREMIA 49:35

Nakana Batara, “LaKubunoi sikontu tau cara'deka ammake sanjata pana, tau kassa'na Elam.

YEREMIA 50:14

He ikau ngaseng tau angngeranga sanjata pana! Atoroki barisannu untu' angkurungi siagang ambunduki Babel. Pa'dalle' mangei ri Babel ana' pananu, lanri dorakai ri Nakke.

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEREMIA 51:44

Bel, iamintu rewatana pa'rasangang Babel Kuhukkungi. LaKusuroi ampoterangi sikamma apa-apa le'baka narampasa'. Bansa-bansaya tenamo nalanynyomba mae ri ia. Runtummi tembo'-tembo'na Babel.

YEREMIA 51:53

Manna pole nakkulle Babel nai' ri langika siagang ambangung pattahangngang takkullea nirapi', mingka tuli laKupabattuna taua untu' ampanraki. INakke, Batara, anne akkana.”

PIRAUNG 1:22

Parhatikangi anjo sikontu kaja'dallanna ke'nanga, na Kigaukang mae ri ke'nanga kamma Kigaukanga mae ri nakke lanri sikontu dosa kugaukanga mae ri Katte. Akkunrarenga' lalang ri ballasakku, si'na nyawaku kuta'ronang-ronang.”

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 5:9

A'jari pila' lussa'mi siagang pila' pi'lasa'mi Karaeng Belsyazar; kammayatompa sikamma tumalompona sanna' ngasemmi linguna.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.