YESAYA 20:3 - KITTA' MATANGKASA'

³ Ri wattunna nitammulilimo kota Asdod ri musu, Nakanamo Batara, “Tallung taummi atangKu Yesaya assolara' siagang tammakea pa'lapa' bangkeng. Iaminne a'jari pammatei ri apa lakajarianga mae ri tu Mesir siagang tu Sudan.

YESAYA 20:3 ပူးပေါင်းရင်းမြစ်များ

YESAYA 19:4

LaKupassareangi Mesir mae ri se'rea karaeng pallaka ammarenta siagang jekkonga. INakke, Batara Kaminang Makoasaya, anne le'ba' akkana kamma.”

YESAYA 37:9

Le'ba'mi anggappa kabara' karaeng Asyur angkanaya nia'mi labattu pasukang Mesir untu' ambunduki ke'nanga, nipimping ri Tirhaka battu ri Sudan. Lanri kammana anjo akkirimmi sura' anjo karaeng Asyur mange ri Hizkia,

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

YEREMIA 13:1

Nasuroa' Batara a'lampa mange ammalli lipa' bodo battua ri kaeng lenang nampa kupake, mingka takkulleai kutallangngang antama' ri je'neka.

YEHEZKIEL 30:4

Bala lompo lantujui Sudan. Ri Mesir lania' pa'bundukang. Jai tau lamate; niellaki sikontu pa'rasanganga siagang lanipa'jari rumbangngang.

YEHEZKIEL 30:6

Nakana Batara Kaminang Tinggia, “Battu ri Migdol bageang wara' sa'genna mange ri Aswan bageang timboro', sikontu naaganga sita'gala' Mesir lamatei lalang pa'bundukang. Siagang anjo tantara Mesir tampoa laancuru' taba sikali. INakke, Batara Kaminang Tinggia anne akkana.

YEHEZKIEL 4:1

Nakana Allata'ala, “He tau, angngalleko se're batu bata, padongkoki ri dallekannu siagang gambaraki rate gambara'na kota Yerusalem.

YEHEZKIEL 4:3

Angngalleko panci bassi siagang rapammi anjo rinring bassi; padongkoki anjo pancia ri alla'nu siagang kota Yerusalem. Nampa a'dalle' mangeko ri anjo kotaya, sanrapang angkana ikau angkurungi. Iaminjo la'jari pangngebarang mange ri bansa Israel.

ZEFANYA 2:12

Kammayatompa pandudu'na Sudan lanihukkung mate tongi ri Batara.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

PAMMILANGNGANG 14:34

Lanukasiaki kale'bakkang kodina dosanu lalang patampulo taung sallona; sitaunga nirekengi untu' siallo battu ri patampulo alloa nupake untu' ansalidiki anjo pa'rasanganga. Lanuassengi angkanaya antekamma kasia'na punna angngewako ri Nakke!