YESAYA 2:6 - KITTA' MATANGKASA'

⁶ O, Allata'ala, Kibokoimi ummatTa, turunganna Yakub! Saba' kemae-kemae taua ri anne pa'rasanganga ammakei pangngassengang baca-baca battu raya siagang battua ri Filistin. Napalembai ada'-ada'na bansa maraenga.

YESAYA 2:6 ပူးပေါင်းရင်းမြစ်များ

2 KARAENG-KARAENG 1:2

Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 24:20

Nampa battumo RohNa Allata'ala angkoasai Zakharia ana'na Imang Yoyada. Majumi Zakharia ri dallekanna ra'yaka nampa akkio' angkana, “Nakana Karaeng Allata'ala, ‘Angngapa natena numannuruki ri parenta-parentaKu siagang nucilakai kalennu. Tenamo nujampangiA', jari tena tommo naKujampangiko!’ ”

NEHEMIA 13:23

Anjo wattua nia' todong kucini' angkana jai tu Yahudi a'bunting siagang baine battua ri bansa Asdod, Amon, siagang Moab.

PAMMUJI 106:35

Ba'lalo sibengkoro'mi ke'nanga siagang anjo bansa-bansaya, na naturuki cara tallasa'na tau tenaya naassengi Allata'ala.

KALAPPASSANG 22:18

Sikontu baine pabale'-bale' mataya musti nibunoi.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PANGNGEBARANG 6:1

Ana', le'bakko kapang a'janji untu' antanggongi inranna se'rea tau.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

YEREMIA 10:2

Nakana, “Teako turuki kabiasanna bansa-bansa maraenga, siagang teako mallakki anciniki sikamma pammateia irate ri langika, nakamallakkang anjo bansa-bansaya.

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

PIRAUNG 5:20

Angngapa Kisallo kamma ambokoi ikambe? Maka tuli latakkaluppa maKi' mae ri kambe?

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

MIKHA 5:11

Jima'-jima'nu laKupa'lanynyaki siagang sikontu pacini'nu laKupabella kabusuki.

MIKHA 5:12

LaKuancuruki patung-patunnu siagang tembo'-tembo' karama'nu; tenamo nulanynyomba ri barang-barang nupareka kalennu.

ZEFANYA 1:8

“Ri anjo allo pammunoanga, laKuhukkungi sikamma tumalompoa, sikamma ana' bura'nena karaenga, siagang sikontu tau anturukiai cara-cara katallassanna bansa maraenga.

PAMMILANGNGANG 23:7

Nampa napaumo Bileam anne botoa angkana, “Battu ri Aram, ri moncong niaka iraya, nakioka' Balak, karaenna tu Moab, angkana, ‘Battuko mae, a'bicara untu' inakke. Tunrai anjo bansa Israel.’

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

1 SAMUEL 6:2

nakio'mi tu Filistin sikamma imanna siagang sanro-sanro porea nampa akkuta'nang angkana, “Laniapami anjo Patti Parjanjianga? Punna nipoterangi mange ri tampa'na, antekamma carana?”