YESAYA 2:18 - KITTA' MATANGKASA'

¹⁸ Sikamma barhalaya lalanynya' tabasikali.

YESAYA 2:18 ပူးပေါင်းရင်းမြစ်များ

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

YESAYA 21:9

Ciniki, anjomi ke'nanga! Pasukang a'jarang ta'rua-rua a'gimbara' battu. Nampa nakabarrammo anjo pajagaya angkana, “Runtummi Babel! Patung-patung napakalompoa ke'nanga ancuru'mi tassia'-siara' ri buttaya.”

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YESAYA 46:1

Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 51:18

Anjo barhala-barhalaya tena anggaranna, siratangi nicau-cau siagang nihina. Punna narapi' sallang wattunna, lapanra' ngasengi ke'nanga

YEHEZKIEL 30:13

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

MIKHA 5:13

Patung-patunna Dewi Asyera ri pa'rasangannu laKurumbangi siagang kota-kotanu niaka pattahanganna laKuancuruki.

ZEFANYA 1:3

sikontu rupataua siagang olo'-oloka kammayatompa jangang-janganga siagang juku'-jukuka. Tau ja'dalaka laKupaccappuki. Sikontu rupataua laKupanraki. Manna sitau tania' laKukellai attallasa'. INakke, Batara, anne akkana.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.