YESAYA 19:3 - KITTA' MATANGKASA'

³ LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YESAYA 19:3 ပူးပေါင်းရင်းမြစ်များ

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

2 KARAENG-KARAENG 1:2

Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

PAMMUJI 107:27

Dangngala'mi ulunna ke'nanga ta'royong-royong sanrapang tau nasa'ring siagang tau takkaluppaya.

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

PAMMUJI 76:12

Rupaimi janjinnu mae ri Karaeng Allata'alanu. Sikamma bansa a'reppeseka ammantang siratangi angngerang passare mae ri Allata'ala nikamallakkanga.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YESAYA 47:12

Na'na' mako bawang siagang sikontu baca-bacanu na pangngissengannu, ambattalliako appakkaramula ri ca'dinu. Inai angngassengi, gassingka nia' matu-matunna mae ri kalennu, untu' ampakamalla'-mallaki sikamma musunnu.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

YEREMIA 46:15

Angngapa nalari anjo Apis rewatanu makassaka? Lanri Nibetami ri Batara!’

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

1 SAMUEL 25:37

Ammukona bari'basa', ri tenanamo nasa'ringi Nabal, nipauammi ri bainenna sikamma anjo kaja'dallanga. Nampa anggappamo garring silalonna Nabal nampa a'jari lamma ngasemmo sikontu batangkalenna.