YESAYA 18:1 - KITTA' MATANGKASA'

¹ Battu ba'le ri se'reang pa'rasangang ba'leanna binanga-binanga Sudan, nia' kalangngerang sa'ra kape'-kape'na olo'-olo' anri'babaka.

YESAYA 18:1 ပူးပေါင်းရင်းမြစ်များ

2 KARAENG-KARAENG 19:9

Le'ba'mi anggappa karaeng Asyur kabara' angkanaya nia'mi lalang pa'jappang pasukang Mesir nipimpinga ri Tirhaka karaeng Sudan untu' battu ambunduki ke'nanga. Lanri kammana anjo, akkirimmi karaeng Asyur sura' mange ri Hizkia karaeng Yehuda.

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

PAMMUJI 36:7

KabajikanTa ammentengi nai' santinggi monconga, kaadelanTa sangkamma lantanna tamparang lompoa; Kiparakai rupataua siagang olo'-oloka, o, Batara.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 61:4

saba' iKattemi pa'la'langangku, tampa' attahang kassakku mae ri musungku.

PAMMUJI 63:7

Ri wattu anra'baku ri tampa' katinroangku, kumangngu'rangi ri Katte; sila'busu' bangngia' annawa-nawaKi',

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 37:9

Le'ba'mi anggappa kabara' karaeng Asyur angkanaya nia'mi labattu pasukang Mesir untu' ambunduki ke'nanga, nipimping ri Tirhaka battu ri Sudan. Lanri kammana anjo akkirimmi sura' anjo karaeng Asyur mange ri Hizkia,

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YEHEZKIEL 30:9

Punna narapi' anjo alloa, nampa ancuru'mo Mesir, laKukiringi sikamma suroKu siagang kappala' jai untu' ampata'bangkai tu Sudan tenaya bata-batana, sa'genna a'jari malla'mo ke'nanga. Tojeng, anjo allo kammaya lanarapiki wattunna labattu!”

ZEFANYA 2:12

Kammayatompa pandudu'na Sudan lanihukkung mate tongi ri Batara.

ZEFANYA 3:10

Ba'lalo battu ri pa'rasangang Sudan bellaya, anjo ummakKu tassia'-siaraka laniaki battu siagang assare koro'bang mae ri Nakke.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

RUT 2:12

Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”