YESAYA 17:6 - KITTA' MATANGKASA'

⁶ Rapang poko' zaitun cappuka nialle rapponna, na piram batu mami ammantang ri cappa'-cappa' tangkenna, kamma tomminjo bansa Israel, sike'de' mami lasalama'. INakke, Batara Allata'alana Israel, anne akkana.”

YESAYA 17:6 ပူးပေါင်းရင်းမြစ်များ

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 10:22

Manna pole kamma-kamma anne sangkamma jaina kassika ri tamparang anjo jaina tu Israel, mingka siapa are mami jaina lammotere'. A'reppese'mi hukkunganNa Batara, na memang siratangi siagang adeleki punna nipanraki anjo bansaya.

YESAYA 24:13

Iaminjo lakajariang mae ri sikontu bansaya ri lino. Sangkamma ri wattunna pakkatoang, wattu rappo zaitun nialle sa'genna la'busu' siagang nialle rappo anggoro' kala'busanga battu ri poko'na.

YESAYA 27:12

Anjo wattua laNaparappungangi Batara bansaNa tasse're-se're battu ri Binanga Efrat sa'genna ri pa'baeng-baenna Mesir. LaNapasisa'laki ke'nanga rapang tau appasisa'laka lisere' gandung battu ri awanna.

YEREMIA 4:27

Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”

OBAJA 1:5

Palukkaka yareka paella' battua ri wattu bangngi, poro nakaerokia bawang naalle. Tau angngattilika anggoro' ri kokoa, tuli nia' nasesa piram batu are. Mingka ikau lanibarrasakko ri musu-musunnu sa'gennu cappu'.

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

ROMA 11:26

lanipasalama' ngaseng tommi sikontu tu Yahudia. Nasaba' nia' tattulisi' lalang ri Kittaka angkanaya, “Laniaki Karaeng Mappasalamaka battu ri Sion; laNapakabella ngasengi sikontu kaja'dallanna battu ri sossoranna Yakub.

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

HAKING-HAKING 8:2

Mingka appialimi Gideon angkana, “Tena nasiapa anggaranna apa kugaukanga na ia apa nugaukanga ngaseng. Manna nasike'de'ja anjo apa nugaukanga, mingka anjo apa sike'deka lompoangngangi anggaranna na anjo nagaukanga sikontu taungku.