YESAYA 17:3 - KITTA' MATANGKASA'

³ Tenamo la'jari pajaga mae ri Israel nampa Damsyik latappela'mi kabebasanna. Tu Siria niaka ija tassesa la'jari hinai lalang tallasa'na sangkamma tu Israel. INakke, Batara Kaminang Makoasaya, anne le'ba' akkana kamma.”

YESAYA 17:3 ပူးပေါင်းရင်းမြစ်များ

2 KARAENG-KARAENG 16:9

Naturukimi karaeng Tiglat-Pileser anjo pappala'na Ahas, nampa nabunduki siagang naempoi Damsyik. Pandudu'na naengkaki a'jari tunitahang mange ri Kir, nampa karaenna iamintu Rezin, nabunoi.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

YESAYA 16:14

Na kamma-kamma anne Nakana Batara, “Ganna' tallun taung pole sallang, sikontu pakkalumanynyangngang nakalompoang pa'maika tu Moab lalanynya' kabusuki. Anjo ra'ya'na jaia, la'jari sike'de' mami siagang lammami.”

YESAYA 17:4

Nakana Batara, “Nia' wattunna sallang, nalalanynya' kalompoanna siagang kacopponganna tu Israel.

YESAYA 25:2

Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YESAYA 7:16

Saba' ri wattu tenanapa narapiki anjo wattua, anjo ruaya pa'rasangang nukamallakkanga karaenna, lanibokoi ri taua sa'genna a'jari kosong.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

YESAYA 8:4

Saba' ri tenanapa nalompo-lompo antu anaka nakkulle angkana ‘Bapa'’ siagang ‘Amma'’, sikontu kakalumanynyangnganna Damsyik siagang sikontu barang narampasaka tu Samaria lanilalingi ri karaeng Asyur.”

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

HOSEA 1:6

Nampa allassukang bainengku ana' makaruana ikambe, iamintu sitau ana' baine. Nakana Batara ri nakke, “Hosea, arengi anjo ana'nu ‘Tenaya Nikamaseangi’, lanri tenamo nalaKukamaseang bansa Israel siagang tena sikalimo nalaKupammopporang ke'nanga.

HOSEA 10:14

jari lanitujumi ra'ya'nu ri pa'bundukang, siagang sikontu pattahangannu laniancuruki. Pattallassannu la'jari sangkammai ri allonna Karaeng Salman napanraki kota Bet-Arbel lalang pa'bundukang, siagang nalissarrang sikamma amma'-ammaka siagang ana'-ana'na.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.

HOSEA 9:11

Lanri'baki natappela' kalompoanna Israel rapang jangang-jangang lanynyaka anri'ba'; tenamo tubaine latianang siagang tenamo ana'-ana' lanilassukang.

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”