YESAYA 16:6 - KITTA' MATANGKASA'

⁶ Nakanamo bansa Yehuda, “Nalangngere'mi ikambe antekamma kaborroanna bansa Moab. Naassengi ikambe angkanaya anjo ke'nanga tampoi siagang tinggi langgai. Bicaranna ke'nanga sangnging bicara kosong, tena bonena.”

YESAYA 16:6 ပူးပေါင်းရင်းမြစ်များ

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

YESAYA 15:1

Iaminne pappasanNa Batara ri sesena Moab. Kota Ar siagang Kir laniancuruki lalang sipattang, siagang pa'rasangang Moab la'jari sino sikali.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

YESAYA 25:11

Pandudu'na lanapaka'rangi limanna sangkamma tau eroka a'lange. Mingka Batara laNapakatunai katampoanna ke'nanga sa'genna tena pakkullena ke'nanga.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YEREMIA 48:14

Antekamma nakkulle barani tu bura'nena Moab angkana, ‘Ikambe tubarani, tantara pore, le'baka niso'ri lalang pa'bundukang?’

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.

YEREMIA 48:42

Laancuruki Moab siagang tenamo nattanja' se're bansa, lanri napattampoanna kalenna mae ri Nakke.

YEREMIA 50:36

Panraki na'bi-na'bina Babel! Paballe-ballei siagang toloi ke'nanga. Panraki tantarana Babel porea! Tamaka malla'na ke'nanga!

AMOS 2:1

Nakana Batara, “Pandudu'na Moab a'mole-molei doraka, lanri kammana anjo ma'nassa laKuhukkungi ke'nanga. Nahinai ke'nanga Karaeng Edom anjo mateamo, iamintu nabongkaraki jera'na siagang naallei buku-bukunna nampa natunu a'jari au.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”