YESAYA 15:2 - KITTA' MATANGKASA'

² Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YESAYA 15:2 ပူးပေါင်းရင်းမြစ်များ

2 SAMUEL 10:4

Na najakkala'mo Hanun anjo sikamma tunisurona Daud, nacukkuruki siali janggo'na ke'nanga, napolongi pakeanna ke'nanga sa'genna pungku'na, nampa nasuro ke'nanga a'lampa.

1 PATTOTTORANG 19:4

Jari najakkala'mi Hanun anjo sikamma tunasuroa Daud, nacukkuruki janggo'na ke'nanga, napolong-polongi pakeanna ke'nanga sa'genna ri aya'na mami bodona. Nampa nasuro ke'nanga a'lampa.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.

YESAYA 15:3

Sikamma tau niaka ri aganga ammakeang karungi pammatei susana; appiraungi siagang angngarruki taua ri paranga siagang ri pattongko'na ballaka.

YESAYA 16:12

Sanna'mi ballasa'na tu Moab angngambi' nai' ri bulu' tampa' pakkoro'bangnganga untu' appala' doang, mingka tena apa-apa wassele' nagappa ke'nanga.

YESAYA 16:7

Lanri kammana anjo, lappassammi anjo bansa Moab sikarruki. Lappassammi ke'nanga angngarru' punna nau'rangi kanre nyamang biasaya nakasia' ke'nanga ri wattunna nia' ri kota Kir-Hareset. Lappassammi ke'nanga tappu' minasa siagang akkunrareng.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YESAYA 3:24

Kamma-kamma anne ammakei ke'nanga minynya'-minynya' bau', mingka sallang la'rasa bottoki ke'nanga. Passikko' aya' alusu'na ke'nanga lanisambei siagang otere' kasara'. Ulunna ke'nanga ga'gaya uu'na lanigondoloki. Pakeang ga'ga-ga'gana ke'nanga lanisambei siagang pakeang kekke'-kekke'. Kamma-kamma anne ga'gai ke'nanga; mingka sallang a'jari kodimi tanja'na lanri le'baki nisitempele'.

YEREMIA 3:21

Ri coppo'na bulu'-buluka nia' kalangngerang sa'ra gegere'; iaminjo sa'ranna umma' Israel angngarru' siagang appala' tojeng, lanri dorakami ke'nanga, siagang nakaluppaimi Karaeng Allata'alana ke'nanga.

YEREMIA 47:2

Nakana Batara, “Ciniki, assolongi je'neka battu wara' siagang allumpai sangkamma binanga a'baya antujui pa'rasanganga siagang bonena, kota-kotaya siagang pandudu'na. Lammarrangi taua appala' tulung siagang sikontu ra'yaka appiraungi.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

YEREMIA 48:1

Iaminne kananNa Batara Kaminang Koasaya, iamintu Allata'alana Israel, ri sesena Moab, nakana, “Cilakai pandudu'na Nebo, nasaba' runtummi kotana! Niallei Kiryataim, siagang benteng pattahanganna kassaka niancuru'mi, sa'genna siri'-siri' pandudu'na;

YEREMIA 48:18

He pandudu'na Dibon, naung mako battu ri tampa' kalompoannu; ammempo mako ri buttaya, irate ri limbu'buka. Lanri eroka ampanraki Moab, anne pa'rasangannu nia'mi battu, siagang lanaancuruki sikontu pattahangannu.

YEREMIA 48:31

Lanri kammana anjo langngarru' lompoA' untu' ikau ngaseng siagang untu' sikamma tau niaka ri Kir-Heres, ibukotana pa'rasangannu.

YEREMIA 48:35

LaKupammari tu Moab attunu koro'bang ri tampa'-tampa' panynyombanna ke'nanga, siagang Kupammari ke'nanga assare koro'bang mae ri rewata-rewatana ke'nanga. INakke, Batara, anne akkana.

YEREMIA 49:3

He tu Hesybon, angngarrukko, lanri kota Ai ancuru'mi! He tubainea ri kota Raba, appiraungko! Pakei kaeng karunga pammatei susanu. Lariko anrai' kalau', a'lingu-lingu. Milkom, rewatanu, niengka'mi mae ri butta pammelakkanga siagang imang-imanga kammayatompa sikamma pagawe pamarentana!

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YEHEZKIEL 27:31

Lanri ikau nanagondolo' ulunna ke'nanga, ammake kaeng karung susa dudu. Angngarruki ke'nanga pacce nyawana angkarruki sarennu.

YEHEZKIEL 30:2

“He tau, a'boto mako siagang pabattui mae ri bansa Mesir apa Kupaua, iNakke Batara Kaminang Tinggia, ri ke'nanga. Ammarrangko siagang appiraungko kamma anne: Aduh! A'reppese'mi allonNa Batara! Tasalloami Nangngalle tindakang. Anjo alloa sassangi na nia' rammang, wattunna anggappa hukkungang bansa-bansaya.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

KAIMANGNGANG 13:40

Punna nia' tu bura'ne appe'da' bageang ri boko ulunna yareka bageang ri dallekanna ulunna, tenaja nara'masa' anjo taua passabakkang anjo pe'da'na.

KAIMANGNGANG 21:5

Se'rea imang takkulleai nagondolo' sipa'gang ulunna siagang takkulleai nacukkuru' janggo'na yareka naloko'-lokoki kalenna siagang bassi tarang lanri ero'na napappiassengang angkanaya natujui susa kamateang.

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

PAMMILANGNGANG 21:28

Nia' se're wattu nabattu ri anne kotaya namaju pasukanna Sihon sanrapang pepe'. Angngancuruki kota Ar ri Moab, siagang angkoasai bulu'-bulu' niaka ri Arnon.

PAMMILANGNGANG 21:30

Mingka kamma-kamma anne panra'mi jari-jarina ke'nanga, ri sikontu oloang battua ri Hesybon mange ri Dibon, battu ri Nasyim mange ri Nofah ri ampi'na Medeba.”

PAMMILANGNGANG 32:3

“Buttana kota-kota Atarot, Dibon, Yaezer, Nimra, Hesybon, Eleale, Sebam, Nebo siagang Beon ia naempoiamo Israel lanri bantuanNa Batara, sanna' baji'na untu' nipammarakai olo'-olo'. Na lanri jai duduna olo'-olo'na ikambe,

PAMMILANGNGANG 32:38

Nebo, Baal-Meon, siagang Sebam. Anjo kota-kota nabangung poleanga ke'nanga nasambei ke'nanga arenna.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

PAOLE 34:1

Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;