YESAYA 13:7 - KITTA' MATANGKASA'

⁷ Tunggala' taua lanakasiaki mate limanna siagang tappela' kabaranianna.

YESAYA 13:7 ပူးပေါင်းရင်းမြစ်များ

PAMMUJI 58:7

O, Allata'ala, Kitepo' laloi gigi-giginna ke'nanga, Kibi'bu' laloi gigi ri dallekanna anjo singa rungkaya, o, Batara.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YESAYA 37:27

Sikamma tau niaka ammantang anjoreng tena kullena; ta'bangkai ke'nanga lanri malla'na. Rapangi ke'nanga ruku' ri parang yareka ruku' attimboa irate ri pattongko'na ballaka, a'jari kalotoroka punna niiri' ri anging bambang battu raya.

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

YEREMIA 50:43

Nalangngere'na anjo kabaraka, lammami nasa'ring karaeng Babel. Nibattuimi ri malla', siagang pa'risi'mi nasa'ring kamma baine eroka ammana'.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEHEZKIEL 21:12

He tau, appiraungko siagang akkiokko! Lanri anjo pa'danga sadiai angngewai ummakKu. Sikamma pamimpinna Israel siagang sikontu bansaya lanicokai ri anjo pa'danga sa'genna panra'. Jari sappuru'mi barambannu lanri pacce,

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 7:17

Tunggala' taua la'jari lamma kabusuki limanna siagang annekkereki kulantu'na.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

NAHUM 2:11

Kemae anjo kotaya kamma-kamma anne? Kota sanrapanga leang pammantangngang singa a'ru'mung? Tampa'na nisare kanre ana'-ana' singaya, tampa' natujua singa lakia siagang singa ganaya tampa' amanga untu' ana'-ana'na?

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.