YESAYA 13:6 - KITTA' MATANGKASA'

⁶ Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 13:6 ပူးပေါင်းရင်းမြစ်များ

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 13:9

Labattui allonNa Batara, siagang anjo alloa laNapa'betteseki kalarroang lompoNa. La'jari parang kalotoroki buttaya, siagang tunggala' tau dorakaya lapanraki.

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

YESAYA 52:5

Kamma-kamma anne apa urusangKu anrinni? Natahangko tu Babel, na natahang bawang-bawang jako. Anjo tau anjallakkangako tulusu' napattampoanna kalenna siagang nahinA'.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

YEREMIA 25:34

He pamimping-pamimpinga, he sikamma pakalawaki umma'Na Batara! Angngarru' lompoko! Anggulung-gulungko lalang ri aua, nasaba' narapi'mi wattunnu nibuno, siagang ia ta'lappasaka lanipasisa'la'-sa'laki. Lasanrapangko bongki lompoa anggaranna tu'guru' na reppe'.

YEREMIA 49:3

He tu Hesybon, angngarrukko, lanri kota Ai ancuru'mi! He tubainea ri kota Raba, appiraungko! Pakei kaeng karunga pammatei susanu. Lariko anrai' kalau', a'lingu-lingu. Milkom, rewatanu, niengka'mi mae ri butta pammelakkanga siagang imang-imanga kammayatompa sikamma pagawe pamarentana!

YEREMIA 51:8

Mingka ti'ring tu'guruki Babel na reppe'. Karrukimi Babel, siagang pa'boyammi pa'balle loko'-loko'na, gassingka akkulleji ammolle.

YEHEZKIEL 13:5

Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

YEHEZKIEL 21:12

He tau, appiraungko siagang akkiokko! Lanri anjo pa'danga sadiai angngewai ummakKu. Sikamma pamimpinna Israel siagang sikontu bansaya lanicokai ri anjo pa'danga sa'genna panra'. Jari sappuru'mi barambannu lanri pacce,

DANIEL 5:26

Nampa kammami anne battuanna: Nibilang, iamintu wattu pamarentahanna karaengku le'ba'mi Nibilang ri Allata'ala nampa Napa'le'ba';

DANIEL 5:9

A'jari pila' lussa'mi siagang pila' pi'lasa'mi Karaeng Belsyazar; kammayatompa sikamma tumalompona sanna' ngasemmi linguna.

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YO"EL 1:5

He sikamma tau nasa'ringa, ambangungko nai'! He sikamma painunga, angngarru' mako! Nasaba' anggoro' berunu nialleang mako battu ri bawanu.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.

ZEFANYA 1:14

A'reppese'mi allo pangadelanNa Batara; iyo, sanna'mi a'reppese'na, ba'lalo labattumi silalonna. Anjo alloa sangnging kapacceang, sa'genna manna tantara kaminang barania lammarrang-marrang todong lanri tappu' panrannuanna!

ZEFANYA 1:7

A'reppese'mi allonNa Batara; anjo alloa langngallemi tindakang Allata'ala. Lanri kammana anjo a'mereki mako ri dallekanNa. Sadia-sadiami Batara untu' ambunoi umma'Na rapang koro'bang lanipassareang siagang le'ba'mi Nakio' battu musu-musunna Yehuda. Nakana Batara,

ZAKHARIA 14:1

A'reppese'mi allo pangadelanNa Batara. Na laniella'mo Yerusalem, siagang lanibage-bagei wassele'na ri dallekang matannu.

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

YAKOBUS 5:1

Sikamma sari'battangku, akkalumanynyanga! Pilangngeri anne pappakaingakku. Paralluko angngarru' siagang appiraung lanri lanukasia'na kasessanga!

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”