YESAYA 13:5 - KITTA' MATANGKASA'

⁵ Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 13:5 ပူးပေါင်းရင်းမြစ်များ

2 SAMUEL 1:27

Matemi sikamma pahlawanna bansaya. Sia-siami sanjatana ke'nanga!”

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 13:17

Nakana Batara, “LaKupagioki bansa Madai untu' ambunduki Babel. Takkulleai ke'nanga nibuccu' siagang pera' yareka bulaeng.

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YESAYA 26:20

Antama' mako ri balla'nu, he bansaku, nampa nutongko' pakke'bu'nu. Accokko mako untu' sinampekang, sa'genna ammari larroNa Batara.

YESAYA 30:27

KakoasanNa siagang kala'biranNa Batara niciniki battu bella. Pepeka siagang umbuna ampa'nassai kalarroanNa. A'bicarai siagang ke'nanga, siagang kana-kananNa attunui rapang pepe'.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YESAYA 48:14

A'rappungang ngaseng mako siagang pilangngeri! Ri sikamma rewata-rewataya tena le'ba' antappu rioloi angkanaya lanibunduki Babel ri tunipileKu; lanagaukangi apa Kukaerokia.

YESAYA 5:26

LaNakioki Batara bansa bellaya na labattu ke'nanga linta'!

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YESAYA 7:18

Anjo wattua laNakioki Batara tu Mesir siagang tu Asyur, nampa battumo anjo ruaya bansa rapang katingalo siagang bani angkatulungi sikamma ka'bung lantanga siagang alla'-alla'na batu karanga. Lanatongko' ngasengi ke'nanga sikamma romang katintinga kammayatompa sikamma tampa' niaka ruku'na.

YEREMIA 50:25

Kusungkemi gudang sanjataKu, siagang lanri larroKu naKupasulu'mo anjo sikamma sanjataKu, lanri iNakke Batara Kaminang Tinggia siagang Kaminang Koasaya, nia' tugasa' musti Kugaukang ri Babel.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

YEREMIA 50:9

LappagiokKa' siapa are jaina bansa kassaka battu wara' sollanna nabunduki Babel. Langngatoroki ke'nanga barisang untu' a'bundu' angngewai Babel na nabeta. Anjo ke'nanga tau cara'de' ammake sanjata pana, tenaya nale'ba' tassala batena ammana.

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”