YESAYA 13:2 - KITTA' MATANGKASA'

² Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

YESAYA 13:2 ပူးပေါင်းရင်းမြစ်များ

PAMMUJI 60:4

Kigoccangi linoa sa'genna a'jari te'ngere'; Kipakabajiki sikamma reppeka, saba' ta'lenggai linoa.

YESAYA 10:32

Anne alloa nia'mi musua ri kota Nob, siagang anjoremmi ke'nanga ampanaiki panja'guru'na mae ri Bulu' Sion, mae ri kota Yerusalem.

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YESAYA 18:3

He, ikau ngaseng niaka empo ri lino! Parhatikangi punna nipanai'mo sikamma banderaya ri coppo'na sikamma monconga!

YESAYA 19:16

Nia' sallang se're wattu nala'jari pa'malla'-mallakkang siagang ballorang tu Mesir sangkamma tubaine. Annekkereki napakamma malla' punna nacini' Batara Kaminang Makoasaya ampaentengi limanNa untu' anghukkungi ke'nanga.

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YESAYA 5:26

LaNakioki Batara bansa bellaya na labattu ke'nanga linta'!

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEREMIA 50:41

Se'reang bansa kassa' nia' a'gio' battu wara' ri pa'rasangang bellaya. Battui ke'nanga siagang jai karaeng untu' a'bundu'.

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”