YESAYA 13:18 - KITTA' MATANGKASA'

¹⁸ Pana siagang anrong pana napake ke'nanga anbunoi sikamma tau rungkaya. Tena nasayangi ke'nanga ana' loloa siagang tena nakamaseangi ana'-anaka.

YESAYA 13:18 ပူးပေါင်းရင်းမြစ်များ

2 KARAENG-KARAENG 8:12

Akkuta'nammi Hazael angkana, “Angngapa kingngarru' Bapa'?” Nakanamo Elisa, “Nasaba' kuassengi kaja'dallang eroka nugaukang mae ri tu Israel. Lanutunui kota-kotana niaka bentenna, lanubunoi tau rungkana kaminang bajika, siagang nuaccekang kallonna ana'-ana' loloa kammayatompa nupue battanna baine tiananga.”

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

YESAYA 13:16

Lanaciniki ana' lolonna ke'nanga nilica', balla'na ke'nanga niella', siagang sikamma bainenna ke'nanga nigau' bawang.”

YESAYA 47:9

Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 5:16

siagang sanna' ngaseng baranina tukang panana; pallaki siagang tena pangngamaseanna ke'nanga ammuno.

YEREMIA 50:30

Ri anjo alloa lamatei sikamma tau rungkaya ri agang-agang kotana, siagang sikontu tantarana niancuruki. INakke, Batara, anne akkana.

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 51:22

Kupakeko untu' ambunoi bura'nea siagang bainea, tau toaya siagang tau rungkaya, tau loloa siagang rungka tenayapa bainenna.

YEREMIA 6:23

Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

DANIEL 7:5

Olo'-olo' makaruaya sangkammai tanja'na beruang. Ammentengi siagang bangkeng ri bokoa, siagang angngerangi tallumpolong buku rusu' ri gigi-giginna. Nia' sa'ra kulangngere' angkana ri ia, “Angnganre mako dageng siapa-siapa jaina nungaia!”

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (

NAHUM 3:10

Mingka manna nakamma, nijakkala' tonji pandudu'na Tebe na niengka' mange ri pammelakkanga. Ri sikontu panyingkulu' aganga, niba'ji-ba'ji ana'-ana'na sa'genna mate. Sikamma tumalompona nirantei siagang rante siagang nibage-bagei ri tu antahangai.