YESAYA 13:10 - KITTA' MATANGKASA'

¹⁰ Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YESAYA 13:10 ပူးပေါင်းရင်းမြစ်များ

AYUB 9:7

Akkullei Napisangkai Allata'ala ammumba alloa ri wattu bari'basa', na Natanakellaia assioro' sikamma bintoenga ri wattu bangngi.

KATO'BA 12:2

Punna battu anjo wattua tenamo nasingara' paccini'nu, sa'genna tenami singara'na alloa, bulanga siagang bintoenga. Rammang le'leng angngeranga bosi, tuli narurungangko kamma napakamallakko.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 47:5

Nakana Batara ri Babel, “A'merekko, siagang antama' mako ri sassanga. Tenamo nalaniarengko ‘Karaeng bainena sikamma kakaraenganga.’

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 50:3

Kupa'jari le'leng pakkaki langika, KalengKu antongkoki rapang kaeng le'leng tanra kasusaang.”

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

YO"EL 3:15

Mataalloa siagang bulanga a'jari sassanga siagang bintoenga tenamo naccaya.”

AMOS 5:20

AllonNa Batara memang angngerangi sassang, teai singara' – allo sassanga napakamma rammang.

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

ZAKHARIA 14:6

Punna battu anjo alloa, talaniakkamo dinging yareka es.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

MARKUS 13:24

“Punna le'ba'mo anjo wattu kasusaanga, la'jari sassammi alloa, na tenamo naccaya singara' bulanga.

LUKAS 21:25

“Lania' sallang pammatei irate ri alloa, ri bulanga, siagang ri bintoeng-bintoenga. Lamallaki siagang lalingui bansa-bansaya ri lino, andallekangi anging lompona siagang bombanna tamparanga.

LAMPA-LAMPANA 2:20

La'jari sassangi alloa, la'jari ejai bulanga sangkamma cera' ri tenanapa nabattu AllonNa Batara, iamintu allo malompoa siagang mala'birika.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.